discos

Secho (Dodro, 1985) presentará antes do verán o seu novo traballo, 'Recuperar'. Un disco que estaba pensado "como algo máis minimalista e que por mor da pandemia da Covid-19 logrou un sentido máis amplo porque todos temos algo que recuperar despois desta situación", resume o cantautor en conversa co xornal.

O grupo Ailá vén de presentar o seu primeiro traballo musical, no que recollen unha serie de temas tradicionais galegos que mesturan con "sonoridades da música contemporánea". Para este disco, o grupo realizou unha  investigación nos arquivos públicos e privados da música tradicional da Galiza.

O vindeiro 17 de maio, Día das Letras Galegas, as músicas Caamaño & Ameixeiras presentan o seu primeiro disco, 'Aire!', no festival FestiLetras, que decorre na vila de Ponteceso. Sobre a chegada de 'Aire!', co verán no horizonte e coa expectativa de como serán os concertos poscovid, conversamos con Antía Ameixeiras.

O próximo 7 de maio Alejandro Guillán, máis coñecido como 'Baiuca', publica o seu segundo traballo de longa duración, 'Embruxo'. Este disco, "cunha sonoridade e temática moi definida", trata o misticismo existente na cultura galega e mostra unha evolución persoal e profesional do produtor.

Desde hoxe está dispoñíbel en todas as plataformas dixitais o novo de Sumrrá, 7 Visións. Un sétimo disco nado no ano da pandemia e que neste abril comezou a viaxe das actuacións ao vivo en Menorca e Compostela. Nós Diario conversa con Xacobe M. Antelo sobre o novo traballo e os 21 anos do trío de jazz Sumrrá.

Cada vez são mais os que me dizem que gravar um disco já não compensa. E eu fico a pensar. Primeiro deixo que flua o pensamento, e sem saber por que abrolham as palavras de Sílvio: "Compañeros de música, tomando en cuenta esas politonales y audaces canciones quisiera preguntar". Um absurdo, pois nada têm a ver, ou talvez sim.

Son minimalista, ambiental e moi orgánico, onde cada pista semella un antigo recordo perdido entre os bosques brasileiros.

Non é doado definir a música de Sheila Patricia. Ela mesma autoinclúese dentro do xénero da “World Music” da man dunha tradición galega que lle vén de familia. Nas súas cancións non é difícil atopar as mulleres como protagonistas partindo de situacións cotiás. A piques de sacar novo traballo discográfico, do que non quere adiantar contido, reflexiona cun chisco de autocrítica sobre a situación dunha profesión necesaria aínda que algo esquecida en tempos de pandemia.    

Devalo é o último proxecto musical de David Comesaña, profesor na Universidade de Bangor (no País de Gales) e integrante noutros momentos de bandas como Nouvelle Cuisine, The Cripple and The Tramp ou Arderyn. Noites contadas saíu da man de Ferror Récords a finais de 2020 e desde entón a resposta do público e da crítica e as recensións recibidas manteñen a Comesaña, que xa está a traballar en novos temas, “contento" de como está a funcionar este primeiro disco.

O primeiro disco de Zumaque, 'Silván', viu a luz a finais do pasado ano, consolidando a orixinal aposta desta formación, actualmente xa cuarteto. Repasamos da man do clarinetista Pablo Pascual, compositor dos temas, as liñas deste traballo de fusión que atopa na improvisación o nexo de tres formas de entender a música, a que bebe do jazz e as que afondan raíces nas tradicións galega e bretoa.

Chicharrón fechou un ciclo, unha sorte de tríptico, con 'Cancións clínicas', após o seu debut homónimo e 'Postais'. Esta primavera chegará 'Unha fogueira intacta', álbum que fai, como os anteriores, da diferenza a súa causa, sempre inmersos en novas procuras que desta volta, adianta Alberto Vecino, caen do lado máis "industrial". Senten que o disco conecta, ademais, co universo do filme 'Ons', no que Alfonso Zarauza incluíu un tema seu. 

A realidade enganosa é un traballo no que Néboa aposta por un pop en galego sofisticado con melodías inspiradas tanto polo folk galego como polo jazz.

Fernando Abreu, clarinetista de Salvaterra de Miño, aproveitou o seu aniversario para regalar aos seus amigos nas redes o tema que abre o que será o seu primeiro traballo en solitario, "unha obra de arte composta por literatura, fotografía e, por suposto, música". 

Na brétema as liñas continuas desaparecen e a paisaxe torna amalgama de formas difusas. Dificilmente podería atopar Néboa mellor nome para a súa procura doutras sonoridades, afastándose dos límites con vontade transgresora, para desafíar as estruturas do jazz conciliándoo cun pop de pegada electrónica, que rescata tamén trazos da música tradicional, devolvéndolle, se cadra, a esencia máis popular en lóxicas contempóraneas. Destas e moitas outras capas componse 'A realidade enganosa'.

Coa liberdade creativa e ornamental como bandeira, desde a falta de consenso na interpretación dos rexistros conservados, o contrabaixista Pablo Sanmamed leva ao terreo do jazz as cantigas de Afonso X no seu último disco, 'Ben Vennas Maio'.

Oito temas rockeiros fan un álbum que sairá á venda o 15 de decembro e estará en plataformas dixitais a partir do día 18.

"Derrubaches os valos das miñas leiras / e rozaches as silvas do meu camiño / e aprendíchesme a sacar as malas herbas / aínda que ti xa non sempre ves comigo", canta Xiao Berlai nun dos temas do seu último disco, 'Cas Berlai'. Cun son acústico, celebra a beleza do cotián desde o espazo doméstico no que foi gravado por completo. 

O trío de música de raíz Tres Pesos chega este outono co seu segundo traballo discográfico, 'De cando os animais cantaban'. Un disco elaborado devagar que pretende ser unha reivindicación da actualidade de música tradicional e pola recuperación do hábito do campo nunha sociedade na que "todo o hai que facer a correr".

"Todo chega pasado polo filtro da miña cabeza", explica Penim do estilo ecléctico do disco. A compositora presentou esta semana 'Cantos de terra e sal'.