discos

Arremecághona’s produçións, o selo discográfico autoeditado do Leo, acaba de publicar o novo traballo do alter ego de Leonardo Fernández Campos, esta vez asinado polo Leo de Matamá. Sé [mente de vencer] é, polo momento, unha fita dixital con dez temas acústicos que interpreta el só, ao vivo, seguindo o concepto de monobanda. Sermos Galiza conversa co cantautor que se agocha tras unha das personalidades musicais máis senlleiras da música galega actual.

A locomotora de María Fumaça volve con máis flow, rock rebelde e Ruiguetón. O novo libro-disco chámase O veleiro verde e aporta no Culturgal o domingo 1 de decembro.

Após recibir o Premio á Promoción da Realidade Plurilingüe do Estado por Inmersión, Guadi Galego conversa con Sermos Galiza sobre este proxecto coral.

Desposorio é o single que veñen de presentar as Tanxugueiras, un adianto do seu novo traballo Contrapunto, que verá a luz o vindeiro 22 de novembro. Seguindo o ronsel do seu primeiro traballo, as intérpretes continúan coa reinterpretación e actualización da música de tradición oral.

O novo disco dos de Esteiro poderá descargarse a partir desta sexta feira, 4 de outubro, nas principais plataformas dixitais. O formato físico chegará no concerto de presentación que terá lugar en Compostela o 31 de outubro, única cita na Galiza.  

Once versións do seu propio cancioneiro e un inédito conforman Immersion, o novo disco de Guadi Galego, á venda en outubro. O primeiro adianto do traballo aparecerá o vindeiro 31 de maio e consiste nunha regravación da emblemática Cedeira, acompañada de Iván Ferreiro.

A cantora e compositora angolana Aline Frazão (Luanda, 1988) voltou à Galiza para apresentar seu novo disco, Dentro da chuva, um projeto que nasce da força do essencial, da pureza, do minimalismo:só voz e violão. Frazão esteve em concerto na quinta-feira 25 de abril em Compostela, na Sala Capitol, o sábado 27 em Ponteareas, no Auditório Municipal e o domingo 28 de abril na Corunha, no Garufa. Desde Lisboa, através de um fio que a une à Galiza, tivemos o prazer de conversar com Aline Frazão sobre o seu último trabalho discográfico, sobre a importância da palavra despida, da poesia e do silêncio num mundo cada vez mais ruidoso. Eis un extracto da entrevista publicada no número 344 do semanario Sermos Galiza en papel.

 “Pondaliana” é o título do disco-libro coeditado pola Asociación Socio-Pedagóxica Galega (AS-PG) e A Mesa pola Normalización Lingüística que contén quince poemas musicados dun dos grandes escritores da literatura galega, Eduardo Pondal. O cedé, que xa está á venda, é froito da colaboración de máis dunha ducia de músicos coordinados polo profesor Francisco Rodríguez e pola Sociedade Cultural Medulio, impulsora dun proxecto que pretende achegar a obra do escritor pontecesán ao gran público.

Había que intentalo é o nome con que Familia Caamagno veñen de bautizar o seu novo disco. Nel consagran un xiro cara ao pop enerxético e, en palabras do seu cantante e letrista Manuel Caamagno, “ás melodías máis traballadas”. Preséntano o sábado 13 de abril na Sala Capitol de Compostela.
 

Galinhas do mato (1985) foi o derradeiro disco en vida de José Afonso. Xa moi enfermo, a súa voz apenas comparece en dúas cancións. O seu testamento ficou así demediado. Mais os arquivos, oficiais e oficiosos, adoitan agochar sorpresas. O vindeiro 6 de abril publicarase a gravación de dous concertos inéditos do Zeca, un de 1968 e outro de 1980.
 

Ningún límite parece deter Mercedes Peón. A súa traxectoria musical, sintetizada en cinco traballos, é unha exploración continua do que hai máis alá, a dicir de críticos e colegas. O seu novo traballo confirma a virada electrónica do seu discurso. Eis un extracto da peza publicada no Sermos Galiza 297.

O músico de Catoira prepara para esta primavera un ambicioso proxecto de homenaxe a Neira Vilas e ás relacións galego-cubanas, que consta dun disco, un espectáculo artístico con participación de Pablo Milanés, e un documental.

'5 Journeys', o último traballo do trío compostelá Sumrrá, foi elixido por un dos críticos da revista All About Jazz, como un dos álbumes do ano.