autónomos

Setembro é un mes marcado en vermello polos traballadores e traballadoras afectadas por un ERTE na Galiza. Dunha banda, porque o día 30 remata o prazo de prórroga destes expedientes e, por outra, pola redución nas prestacións para aquelas persoas que leven nesta situación desde o decreto do estado de alarma.

Na Galiza hai 57.423 autónomas e autónomos menos polo que desde esta entidade piden medidas urxentes.

O aumento dos contaxios entre a poboación e a crecente aparición de novos abrochos meten o medo no corpo ás empresarias galegas, que temen unha contracción da súa actividade no terceiro e cuarto trimestre do ano, o que para as expertas podería supor unha caída de 12,7% do Produto Interior Bruto (PIB) galego.

A Xunta lanza as primeiras axudas directas con catro meses após decretarse o estado de alarma

No conxunto do Estado, o número de traballadores por conta propia descendeu en 23.836 autónomos no primeiro semestre do ano, pasando dos 3.269.089 autónomos rexistrados en decembro de 2019 aos 3.245.252 en xuño deste ano.

As compañías en ERTE beneficiaranse de exoneracións das cotas á Seguridade Social durante os meses de verán e manterase a prohibición de despido por causas obxectivas ou de suspensión dos contratos temporais. Inclúese unha nova modalidade de ERTE para as empresas que se vexan obrigadas a fechar por mor dun rebrote.

Pode que o valor que recobraron durante a pandemia as tendas de alimentación dos barrios sexa só un espellismo, consecuencia das restricións ao resto do comercio ou do medo a unha exposición maior ao contaxio. Ou pode que sexa unha tendencia que veña a redescubrir o que os negocios de proximidade achegan, máis alá do puramente comercial, ao tecido social. Nun momento de precariedade e incerteza, o sector galego expón as súas potencialidades. 

Galiza era, desde hai semanas, o único territorio sen axudas directas ás pemes e as autónomas. Agora, cunhas eleccións á volta da esquina, Feixoo anuncia cartos para axudar a este colectivo a adaptar as súas instalacións, pero queda á marxe das accións levadas a cabo por outros gobernos para aliviar a súa delicada situación financeira.

Os empréstitos avalados polo Instituto de Crédito Oficial seguen sen chegar ás autónomas galegas mentres que o conselleiro de Economía, Francisco Conde, recoñece que as axudas promovidas polo Igape son insuficientes para mellorar a súa delicada situación.

Galiza é dos poucos territorios sen axudas directas para o colectivo de traballadoras autónomas.

Os detalles dese fondo, do que 10.000 millóns estarán destinados a gastos sanitarios, serán trasladados aos presidentes autonómicos este domingo. O presidente do Executivo español anunciou unha nova liña de préstamos a autónomas e Pequenas e Medianas Empresas.

A portavoz nacional do BNG, Ana Pontón, cualificou de insuficientes as medidas anunciadas polos Gobernos español e galego para as autónomas e autónomos, un colectivo de 210.000 persoas “que representan un piar da economía da Galiza”. Desde o Bloque propoñen unha axuda directa de 2.000 euros para profesionais por conta propia que visen afectada a súa actividade pola crise e suprimir durante tres meses a cota.

As autónomas cren que a xente tardará aínda un tempo en volver a determinados negocios por medo á COVID-19.

A Federación Estatal de Asociacións de Traballadoras e Traballadores Autónomos (ATA) quere que o último Consello de Ministras de marzo atenda as súas solicitudes entre as que figura aprazar os trámites impositivos e obrigacións tributarias do primeiro trimestre.

Traballadoras autónomas da restauración, do sector servizos e doutras áreas profesionais responderon ao estado de alarma cos seus ingresos. Malia non se ver obrigadas ao peche, a paralización da vida e da actividade económica non lles deixa outra alternativa que a suspensión das súas actividades. Sen liquidez non poden facer fronte ás nóminas nin aos gastos correntes. A responsabilidade social e as axudas do Goberno atemperan as súas inseguridades. 

Tamén é o único no que as baixas das mulleres no réxime especial de traballadoras autónomas superan ás dos homes.

A Federación Nacional de Asociacións de Traballadores Autónomos emprega datos do Ministerio de Traballo no seu informe

Galiza é o segundo territorio con máis perda de traballadoras autónomas.

O país conta con 2.716 autónomas e autónomos menos que hai un ano, co que Galiza se sitúa á cabeza do Estado na perda de persoas traballadoras por conta propia.