O número de autónomas caeu na Galiza en 1.908 persoas, segundo datos revelados pola Federación Nacional de Asociaciones de Traballadores Autónomos (ATA).
No conxunto do Estado, o número de traballadores por conta propia descendeu en 23.836 autónomos no primeiro semestre do ano, pasando dos 3.269.089 autónomos rexistrados en decembro de 2019 aos 3.245.252 en xuño deste ano.
En termos absolutos, Madrid rexistrou un descenso de 6.031 autónomos, Canarias, de 1.946; Galiza, de 1.908 autónomos; Euskadi, de 1.785 traballadores por conta propia, e Castela e León, de 1.727 autónomos. Segundo ATA, estas foron as comunidades que se viron máis afectadas polo descenso do número de autónomos, cunha perda que supera en todos os casos os 1.500 cotizantes autónomos á Seguridade Social.
Por sectores de actividade, o da construción (+2.978 autónomos), transporte (+2.393 autónomos), agricultura (+1.603) e hostalería (+482) foron os únicos sectores que sumaron traballadores por conta propia na primeira metade de 2020.
O resto, tiveron descensos en canto ao número de cotizantes autónomos, destacando especialmente o descenso rexistrado no comercio, sector que perdeu 13.237 cotizantes autónomos en tan só seis meses.
O presidente de ATA, Lorenzo Amor, afirmou que os datos de autónomos "non son bos". "A pesar do repunte do mes de xuño, no que levamos de 2020 perdemos 23.836 autónomos, pero se o comparamos co número de autónomos de xuño de 2019, a perda interanual é de 41.348 autónomos", resaltou.
