O presidente asturiano, o socialista Adrián Barbón, desatou esta cuarta feira a polémica nas redes sociais cunha mensaxe na que defendía que na Asturias occidental, entre os ríos Eo e Navia, "non se fala galego". "Fálase fala eonaviega", alegaba, en alusión ao idioma que, segundo os consensos lingüísticos e a lexislación vixente, é falado neste territorio, o galego-asturiano ou galego de Asturias.
A estas palabras seguíronas as de centos de usuarios e usuarias que entraron nun intenso debate no que salientou a participación do artista folclórico asturiano Rodrigo Cuevas, que comezou replicando que Barbón caese en "negacionismos". "A ciencia di que é o galego o que se fala en Asturies", dixo, nunha mensaxe escrita orixinalmente en asturianu.
A ver, por favor, negacionismos NO.
La ciencia diz que ye’l gallego que se fala n’asturies. Igual qu’hai catalán en zones d’Aragón o castellano en media latinoamérica.
Nun te fai menos asturianu.— Rodrigo Cuevas (@RodrigoCuevasG) September 21, 2023![Publicidade 193771]()
E puxo como exemplo casos como o do catalán para se referir ao galego de Asturias: "Igual que hai catalán en zonas de Aragón ou castelán en media Latinoamérica", dixo, para logo sentenciar que "non te fai menos asturiano" denominar, tal e como recolle a lei, "galego" ao idioma propio da poboación que reside entre o Eo e o Navia.
O presidente de Asturias quixo responderlle citando algúns exemplos de institucións que recoñecen o termo "eonaviego", como a Academia de la Llingua Asturiana, e Cuevas proseguiu o debate.
Lo que dices en el tuit es que no se habla gallego, y eso es negacionismo.
— Rodrigo Cuevas (@RodrigoCuevasG) September 21, 2023
Puedes decir: en el eonavia no lo llamamos gallego.
Moitas outras persoas seguiron a sumarse á discusión e o músico replicou, cando foi interpelado a respecto da diversidade lingüística e toponímica dalgúns concellos asturianos: "Iso é porque é unha variedade, deliciosa e fermosa. Tampouco algúns andaluces din aceituna, din aseituna, pero falan castelán".
Pero es porque es una variedad, riquísima y bella.
— Rodrigo Cuevas (@RodrigoCuevasG) September 21, 2023
Tampoco algunos andaluces dicen aceituna, dicen aseituna, pero hablan castellano.
