Unha muller resultou ferida ao impactar o vehículo que conducía cun xabaril na A-8, ao seu paso polo municipio da Mariña. Segundo informou o 112, o accidente produciuse no quilómetro 511, en Piñares, sentido Begonte. Un particular alertou ao servizo de que a muller ferida chocara contra dous xabarís, un adulto e unha cría, e que recibira un golpe na cara. A muller estaba consciente e accesíbel, polo que aínda que se deu aviso aos Bombeiros de Barreiros, non foi necesaria a súa intervención. O 112 tamén alertou ao 061 e á Garda Civil de Tráfico, a Protección Civil e á Policía Local.
Poderanse capturar ou abater exemplares de ambos os sexos e amplíanse os períodos de caza.
Os xabarís causan até 10 accidentes de tráfico ao día e cuantiosos danos aos cultivos, segundo organizacións agrarias e ambientalistas, que desbotan a caza como solución.
As plantacións atópanse moi adiantadas en crecemento e madurez debido ás condicións climáticas favorábeis acontecidas este ano
Hai un problema grave co xabaril e a Xunta da Galiza "non está a facer o necesario para atallalo". Velaquí a crítica que fan tanto desde sectores produtivos do rural galego como entidades ecoloxistas, que advirten das consecuencias de carecer desde hai anos dun verdadeiro plan para o control desta especie. A Xunta, porén, lembra que ten constituído desde hai varios anos un grupo de traballo multidisciplinar para a posta en marcha "dun paquete de medidas para a xestión do xabaril e control de danos".
