Paula Quinteiro

O portavoz parlamentar, que compareceu con Manuel Lago para debullar os orzamentos, tivo que contestar até 10 perguntas sobre o affaire Quinteiro. En todas e cada unha das respostas foi polo mesmo rego, non hai novidades ao respeito e o motivo da comparecencia é a análise das contas do estado e as alternativas da confluencia. Por súa parte, nunha entrevista na RG, Antón Sánchez descartou implicitamente a consulta telemática proposta por Villares por considerar que o proceso revogatorio ten máis garantías.

Defenden a continuidade da parlamentar, mais argumentan que no caso de a submeter á consideración das bases o procedimento que reúne "máis garantías" é o proceso revogatorio e non a consulta telemática que propón Villares.

O resultado dunha eventual consulta sobre o affaire Quinteiro revestiría caracteres de acordo firme a aplicar "polos órgaos políticos de En Marea e polas/os cargos de representación institucional", reza o documento de Organización Interna (equivalente aos estatutos) aprobado pola confluencia no plenario realizado en xullo de 2017.

A secretaria xeral de Podemos cargou duramente esta segunda feira contra Luís Villares. A alianza táctica que ambos dirixentes mantiveron durante destes meses sae moi tocada da crise Quinteiro. Santos cualificou de "insensatez" e "loucura" a proposta do portavoz de En Marea de consultar ás bases da confluencia a eventual demisión da parlamentar de Podemos-Anticapitalistas.

Defende que os estatutos da confluencia permiten consultar as persoas inscritas, una opción que non desbota “se non hai outra solución”. O portavoz de En Marea mantén que a deputada debería demitir, un paso que entende que tería que dar nesta mesma semana.

As costuras de En Marea quedaron máis á vista do que nunca co affaire da deputada Paula Quinteiro. Este domingo, o alcalde de Compostela Martiño Noriega así o confirmou e, nunha entrevista na Ser, lamentou que o “espazo político non estea coidando” das confluencias a nivel local.
 

1.402 persoas votaron no inquérito de Sermos. 796 a favor da demisión da parlamentar, 422 a prol de que continúe no Parlamento.

O community manager de @ppdegalicia facturou esta terza feira un meme satírico -de pésimo gosto- sobre a situación en que fica Luís Villares após ser desautorizado polo grupo parlamentar de En Marea.

Acordo do grupo parlamentar de En Marea após unha maratoniana reunión que se prolongou por espazo de máis de 8 horas. As parlamentares negan lexitimidade ao acordo adoptado a pasada sexta feira polo Consello das Mareas -o órgao reclamou a demisión de Quinteiro- e piden un novo expediente informativo. Mais esclarecen que con independencia dos resultados dese procedimento, Quinteiro continuará no Parlamento.

As e os deputados da confluencia están reunidos desde as 10 horas. A discusión atinxe non só a se debe demitir Quinteiro ou non, senón ao grao de asunción das decisións do Consello das Mareas por parte do grupo parlamentar.

A líder de Podemos en Galiza argumenta que o grupo parlamentar é representativo da “pluralidade real” de En Marea fronte a un Consello das Mareas que se limita a selo “dunha parte”.

O Consello das Mareas, máximo órgao da confluencia, demanda a Paula Quinteiro que entregue a acta de deputada e que asuma responsabilidades políticas após se ver envolvida nun incidente coa policía local de Compostela.

O grupo parlamentar de En Marea abordou esta cuarta feira, nunha longa reunión, o asunto Paula Quinteiro. Segundo as fontes consultadas por Sermos, en nengún momento estivo sobre a mesa a hipótese de lle demandar a demisión á parlamentar, envolvida nun incidente coa policía local de Compostela.

Esa sexta feira o Consello das Mareas pode resolver pedir a Paula Quinteiro que deixe a acta de parlamentar, após se ver envolvida nun incidente coa polícía local de Compostela. A súa xefa política en Podemos Galiza, Carmen Santos, transmitiulle esta quinta feira o seu apoio "como compañeira e como persoa". Santos afirma que a decisión de demitir ou non lle corresponde "unicamente" a Quinteiro.

A coordenadora nacional de Esquerda Unida non se uniu esta quinta feira ao coro de voces que pide a demisión de Paula Quinteiro.

Beiras volta a saír en apoio de Luís Villares, En declaracións á Radio Galega, afirmou textualmente: "Se eu fose Paula Quinteiro pediría desculpas, tamén á policía local, e logo demitiría. Pero é imposíbel que eu fose Paula Quinteiro, coa miña traxectoria, e facer o que ela fixo".

A dirección de En Marea agradece a parlamentar ter pedido desculpas esta cuarta feira perante a imprensa, mais considera que a participación de Quinteiro -militante de Podemos, da corrente Anticapitalistas- nun incidente coa policía local de Compostela exixe a depuración de responsabilidades políticas.