música clásica

A Festival Bal e Gay, cuxa novena edición está a desenvolverse na Mariña, demostra que a música clásica pode transformarse nunha demanda popular.

O proxecto Músicas inéditas en Casas literarias xa ten percorrido as casas de Rosalía de Castro, Vicente Risco e Emilia Pardo Bazán e deu como primeiro resultado a recuperación dunha escolma de partituras orixinais do compositor, guitarrista e pintor lucense Tino Prados.

Nun momento como o que vivimos, de abandono dos referentes da modernidade musical e de conservadurismo rampante (tamén) no musical, o festival Resis da Coruña tivo o valente xesto de nos reconciliar coa Europa máis avanzada, dedicando unha boa parte do seu programa á obra de Xenakis.

O primeiro disco do barítono Gabriel Alonso xunto co pianista Aurelio Viribay, No Camiño. Dous séculos de canción galega, é  un traballo que ofrece un percorrido pola lírica galega desde o século XIX até a actualidade. 

Xosé Carlos Seráns Olveira vén de ser elixido presidente da Asociación Galega de Compositores. Despois de dous anos de parón, a nova directiva enfrónta o reto de retomar o ritmo de traballo previo á pandemia, mais o seu entusiasmo non dubida en marcarse novos obxectivos para visibilizar a música académica do país.

James Rhodes escolleu a Galiza entre as primeiras datas para iniciar a súa nova xira  Piano Tour 2022. Este músico e escritor inglés de nacemento non agocha a súa atracción pola lingua e cultura galegas. A finais de decembro regresou a Twitter, unha rede social na que conta con máis de 275.000 seguidoras e seguidores,   cunha mensaxe de optimismo para o novo ano. Entre os propósitos que se marcou para este 2022 figura mellorar o seu galego e, se cadra, mercar unha vivenda ao carón do mar.

A obra do compositor Juán Durán entrou moitas veces na historia da Galiza: desde a Cantiga Finisterrae, con textos de Miguel Anxo Fernán Vello, até a ópera O arame, con libreto de Manuel Lourenzo, ou co recente ballet Hildegart, baseado na vida de Hildegart Rodríguez Carballeira e recentemente estreada pola Real Filharmonía de Galiza. Agora, Durán estrea unha obra que rememora os feitos de marzo de 1972 en Ferrol. 

Ravel conta no seu catálogo cunha pequena peza,"Chanson espagnole",que é, en realidade, unha adaptación da canción Adios, meu homiño, adios, que Marcial del Adalid recollera nos seus Cantares viejos y nuevos de Galicia.

O Teatro Colón acolle a gala-encontro musical Sons para un regreso, dous días de concertos a cargo de antigas beneficiarias das bolsas de perfeccionamento de estudos artísticos da Deputación da Coruña. Intérpretes de prestixio que desenvolven as súas carreiras moitas veces sen que se lles recoñeza o talento nin o esforzo. 

Un perfil de Miguel Zanetti e da súa relación coa Galiza.

O Festival Bal y Gay realízase na comarca da Mariña durante o mes de agosto. O seu fundador, Enrique Rodríguez Baixeras, explica en conversa con 'Nós Diario' que o obxectivo deste encontro é "achegar á xente a música clásica para que perdan o medo a un xénero que non fai falla entender, mais si sentir para poder desfrutar".

O encontro entre a música e a poesía posibilita que os dous códigos lle dean forma a un modo de transmisión de contidos que abrangue o sensual e o intelectual, o tanxíbel e o espiritual.

Os nomes de Kokoschka, Gropius, Klimt, Freud, Franz Werfel, Max Burckhard, Alban Berg ou Gustav Mahler están, por un motivo ou por outro, vencellados ás páxinas da vida de Alma Mahler.

O Trío do Acivro non é unha formación ao uso. Á frauta traveseira está Luís Soto, frauta da Real Filharmonía de Galicia e membro do TAC (Taller Atlántico Contemporáneo); ao violín está o seu fillo Lucas; e ao violoncello a súa filla Cecilia. E todos os nadais ofrecen un concerto didáctico na biblioteca Ánxel Casal de Compostela. A cita é mañá quinta feira ás 18.30 horas. 

O pianista da Estrada pecha mañá cuarta feira esta edición do ciclo Ángel Brage que trae aos mellores pianistas do mundo ao Auditorio compostelán.