Só un apoio máis que Celestino Fernández de la Vega, que foi o outro finalista, obtivo o ex-alcalde franquista de Pontevedra para ser o homenaxeado institucional o próximo 17 de maio, nunha decisión cuxa polémica non acouga.
Manter o carácter festivo e reivindicativo do Día das Letras Galegas é o obxectivo das asociacións que se reuniron en Compostela para traballar nunha proposta conxunta despois de que a RAG decidise dedicarlle as conmemoracións do 17 M a Xosé Filgueira Valverde.
Arredor de catrocentas persoas de asociacións e entidades da cultura de base daranse cita este sábado día 12 en Outeiro de Rei, na Casa Museo Manuel María. O “Convivio da Cultura Galega” busca establecer as bases dun encontro entre asociacións no espazo dedicado a un escritor que percorreu o país participando en milleiros de actos.
Asociacións culturais, de recuperación da memoria, de defensa da lingua ou ecoloxistas danse cita esta quinta feira en Compostela (18.30 h, Libraría Couceiro) para fixar uns mínimos contra a decisión de dedicarlle o DLG a Filgueira e para manter viva a festa da lingua.
Un “Día das Galegas nas Letras” . As da plataforma A Sega collen o seu foucín, arrefuzan as mangas e propoñen celebrar o “Día das Galegas nas Letras” que nesta primeira edición renderá homenaxe a Dorothé Schubarth, a compiladora do Cancioneiro Popular Galego.
No outono de 2013, un grupo de persoas coa vontade de repensar o país como nexo en común comezamos a rascuñar unha serie de proxectos, sendo o principal deles o que demos en chamar –de xeito provisional– Romaría das Letras.
Asociacións culturais e cívicas preparan unha pronta resposta á RAG pola decisión de dedicarlle o Día das Letras Galegas a Filgueira Valverde. Proporán unha conmemoración alternativa.
'A Viaxe de Gagarin', de Fernández Paz, en narrativa, e 'Non Temos Medo', de Rodri Suárez, en ensaio, encabezan a táboa que publica Caderno da Crítica, que tamén destaca a Marta Dacosta en poesía e Rosa Aneiros en xuvenil.
O investigador e escritor Xosé Filgueira Valverde será o homenaxeado no Día das Letras Galegas-2015. Filgueira foi alcalde de Pontevedra durante o franquismo, conselleiro de Cultura no goberno de Albor e presidente do Consello da Cultura. A RAG suscita a polémica da inconveniencia de homenaxear a unha figura tan vinculada á ditadura. Xa se barallan alternativas extraoficiais á opción da Academia para festexar a cultura galega.
Manuel María, Carvalho Calero, Fernández de la Vega, Xela Arias e Filgueira Valverde. Son os cinco nomes que optarán a suceder a Díaz Castro no vindeiro Día das Letras Galegas.
O segundo premio foi para Pitusa Arias nunha gala que se realizou en San Sadurniño e que na recitou Helena Villar.
Tres voces galegas e tres catalás. O ciclo “Voces paralelas” convida nesta edición de 2014 á poesía galega a partillar unha xira por Cataluña, Valencia e Mallorc. Chus Pato, Gonzalo Hermo e Estíbaliz Espinosa recitarán canda Sebastià Perelló, Susanna Lliberós, e Adrià Targa no ciclo poético anual da Institució de les Lletres Catalanes.
Casualidades das calendas, quixo o azar que me estree nesta sección coincidindo coas festividades do Día das Letras. Pero que ninguén se inquiete, que non penso insistir nas merecidas ponderacións da obra e vida do conmemorado.
O Couto, un ano máis, é un dos centros do Día das Letras Galegas. A través do movemento asociativo local artéllase o “Festiletras”, unha singular proposta cultural na que se gaban dunha “aldea que soña ser país”. O escritor Xosé Neira Vilas deu saída á festa.
Cada obra literaria cada obra de creación cada lenda ou acto de comunicación creador no noso idioma é un acto de rebeldía que fai amencer nos eidos da nosa terra para que dia a dia sexa construtora do seu propio destino: Rosala e Curros, Antón Avilés e Xoana Torres, Lois Pereiro, Luísa Villalta e Xela Arias, e tantos e tantas sabían que Galiza era unha terra á que lle corresponde nacer cada dia, que tiña unha cita cos seus fillos e fillas xenerosos que a soñan mentres a fan nacer.
Poesía e música danse a man na festa das letras que o Concello de San Sadurniño prepara para a tarde do domingo 18 no Pazo da Marquesa. A celebración do Día das Letras ofrecerá a música de xoán Curiel e a poesía de Aldaolado.
O escritor colombiano -moi relacionado con Galiza, coa que tiña ascendencia familiar- morreu en México aos 87 anos. Foi Premio Nobel en 1982 e entre as súas obras destacan 'Cen Anos de Soidade' ou 'Crónica dunha Morte Anunciada'. "Galiza é un país moito máis mítico do que moitos galegos imaxinan", afirmou nunha crónica.
Desde os anos noventa, a Fundaçom Artábria reivindica o recoñecemento nacional para Carvalho Calero mais, malia iso, vén de anunciar que abandona a Comisión Cidadá que solicita o Día das Letras galegas para o intelectual nacido en Ferrol. A presenza da voceira do PP local no acto de homenaxe é o detonante da decisión.
A tarde de troula foi marcada para o sábado 29 de Marzo ás 16.30h en Compostela, na Praza do Toural. Canda a escritora estarán outr@s autor@s que teñen publicado nesta editorial. Non han faltar tampouco a música (ao vivo) nen, por suposto, os libros.
A Asociación de Escritor@s en Lingua Galega rendeu culto á poeta nacional no Panteón de Galeg@s Ilustres na véspera no aniversario do seu nacemento, o 24 de febreiro de 1837.
