A señora Dalloway é unha peza fundamental do modernismo literario. Publicada por vez primeira en 1925, prodixio técnico da narrativa, esta historia dun día en que Virginia Woolf cruza os destinos de Clarissa Dalloway e Septimus Warren Smith non existía en galego. A editorial Irmás Cartoné acaba de corrixir a eiva da man de Celia Recarey Rendo.
O ciclo Poetas Di(n)versos 2018 remata esta segunda feira, 17 de decembro, con dous escritores de máximo relevo: o vasco Bernardo Atxaga e o galego, de Vigo, Antón Reixa. A súa lectura será ás 20.30 horas no Centro Ágora da Coruña.
As xornadas organizadas pola Asociación Mulleres da Industria da Música (MIM) o vindeiro 17 e 18 de decembro na Coruña teñen un obxectivo: “Crear un debate aberto e notorio sobre feminismo e industria musical e planear estratexias de traballo efectivas para reverter a actual situación de desigualdade”.
Brión Inclúe é “unha proposta cultural inclusiva”. Entre o 14 e o 16 de decembro, a vila da Mahía acolle un festival cuxa principal vontade consiste en ofrecer “unha ampla programación para a inclusión transversal”.
Na Cama do meu avó Manuel Sanmartín Méndez, o novo libro de Celso Fernández Sanmartín, os poemas son concretos, materiais. Do pequeno ángulo dun obxecto extraen intres decisivos. A súa ollada asombrada non despreza ningunha peza do real. “Quixen buscar un símbolo ao que agarrame para buscar consolo á falta do meu avó”, sintetiza o poeta. Atopouno nunha cama arrombada no faiado.
Mapa mudo, unha composición de Arancha Nogueira que “poetiza a memoria da súa intimidade cunha linguaxe depurada”, obtivo o primeiro premio do Concurso Literario Mazarelos organizado pola Facultade de Filoloxía da universidade compostelá. Esta cuarta feira 12 de decembro recibe o galardón.
A transformación do Marco de Vigo contra o parecer da maioría de axentes artísticos, a eterna indefinición do Gaiás, o esmorecemento da actividade do CGAC ou a liquidación do Museo de Belas Artes de Fenosa, na Coruña, debuxan a situación dos espazos de arte en Galiza. A reflexionar sobre esta paisaxe deprimida dedica o Consello da Cultura Galega unha xornada esta terza feira, 11 de decembro, na súa sede de Compostela.
Foi unha das activistas culturais “máis recoñecidas, queridas e admiradas da diáspora galega en Catalunya”. Incansábel defensora da lingua galega, lingüista especializada en fonética, Sabela Labraña morreu hai tres anos en Barcelona. Un grupo de amigas e profesoras organiza a vindeira quinta feira, 13 de decembro, unha homenaxe na súa memoria.
Apuntamentos para un filme de atracos, o último filme do cineasta Elías León Siminiani (Santander, 1971), abre a vindeira terza feira, 11 de decembro, a terceira edición de Novos Cinemas, en Pontevedra.
O documentario Vértice de versos (2018), dirixido por Carlos Lorenzo, aborda como nunca antes se fixera desde o ámbito audiovisual a última poesía galega. Este sábado 8 de decembro proxéctao a Casa-Museo Manuel María de Outeiro de Rei.
“Por que escribo sobre min? Ha ser polo mesmo motivo que actúo, que falo, que me dedico ao oficio de escribir, por unha conciencia de ser un elo na calceta universal e estar obrigada, si obrigada, a non interromper o labor”. Eis a xustificación que María Xosé Queizán coloca no Preámbulo ás 803 páxinas de Vivir a galope, as súas memorias e un dos escasos volumes do xénero na literatura galega.
O 6 de decembro de 1383 era asasinado no Palacio Real de Lisboa Joam Fernandes de Andeiro, un dos máis grandes diplomáticos do século XIV europeo, grande estratega e político, ennobrecido co título de Conde de Ourem e que pasaría á historia como Conde de Andeiro, freguesía do concello de Cambre, onde nacera en 1320. O Concello resgatou esta quinta feira, día 6, a súa figura.
Na 19ª edición do festival Treme a Terra de Pontedeume, que ten lugar o sábado 8 de decembro, o protagonismo musical será de carácter internacional. Canda o punk celta dos galegos Bastards On Parade estará o “punk rock escandaloso” dos suecos The Baboon Show.
“Esmorecemento, baixa contratación, reducida produción, escasa distribución e burocratización”. Eis o diagnóstico da situación do Centro Dramático Galego que, nun comunicado difundido esta sexta feira, fai a Asociación de Actores e Actrices de Galiza.
![[Imaxe: Erik Dobaño] Xabier P. Docampo](/asset/zoomcrop,480,270,center,center/media/nosdiario/images/2018/02/07/2018020717173054651.jpg)
Unha novela policíaca que indaga “nos turbios manexos dun grupo de industrias”, publicada orixinalmente en 1988, é a libro coa que Edicións Xerais volve colocar a obra do escritor Xabier P. Docampo, morto o pasado xuño, na mesa de novidades. A chave das noces é o seu título.
Unha obra “ben urdida e entramada cunha linguaxe poética de belísimas escenas que transportan a un mundo galáctico” valeulle á escritora Andrea Maceiras (A Coruña, 1987) o premio Lazarillo na modalidade de creación literaria. Rusgalía títulase a obra, “unha aposta á ciencia ficción e á imaxinación desbordante”.
A penúltima sesión do ciclo Poetas Di(n)versos achega á Coruña a obra de dúas autoras procedentes de xeografías opostas, pero creadoras de poemas rebeldes, desafiantes. O cubano Víctor Rodríguez Núñez e a fonsagradina Xiana Arias estarán a segunda feira, 26 de novembro, no Centro Ágora para amosar a súa obra.
Ás veces, algunhas veces, o máis próximo é o máis descoñecido. A riqueza á porta da casa non se aparece co mesmo brillo que as máis afastadas. Ese patrimonio material e inmaterial inmediato é que o o Servizo de Normalización Lingüistica de Redondela se propón “valorizar” cunha serie de cadernos sobre as parroquias escritos por veciños e veciñas.
A poeta e novelista Berta Dávila (Compostela, 1987) gañou o premio Díaz Jácome de poesía con Limiar.
