Portugal

Marcelo Rebelo de Sousa, presidente de Portugal, decretou hoxe a disolución da Assembleia da República e convocou de forma oficial os comicios parlamentarios adiantados do 10 de marzo. É a novena vez desde a Revolución dos Cravos -hai case medio século- que un presidente dá este paso, nesta ocasión tras a dimisión do primeiro ministro do Partido Socialista, António Costa, investigado pola Fiscalía nun caso de corrupción.

Pedro Nuno toma o relevo de António Costa á fronte do Partido Socialista

Óscar Manuel Guzmán (Vilamarín, Ourense, 1970) vén de ser galardoado co Premio de Novela Vilar Ponte, que impulsa o Concello de Viveiro, pola súa obra 'Pero... Como morren as pegas?', onde mestura unha trama propia da novela negra con outros temas como a migración, a conexión da Galiza con Portugal e os lazos de sororidade entre as protagonistas femininas.

A exposición 'Norte Silvestre e Agreste', patente na Galería Municipal do Porto até o vindeiro 10 de marzo, interrógase sobre a identidade dese territorio que abrangue a Galiza e o norte de Portugal a través dunha indagación no territorio e nunhas formas de vida, mitoloxías e narrativas que se transforman co tempo mais que manteñen trazos comúns que permiten falar dunha identidade compartida.

Novas publicacións revelan nexos culturais.

Os territorios nos que reside case a metade da poboación mundial están convocados a votar este ano, cando o pobo estadounidense elixe de forma previsíbel entre Trump ou Biden ou o luso determina se a ultradereita volve ao Goberno medio século despois da fin da ditadura.

Case 60% cre que houbo influencias indebidas.

Busca artellar unha cadea de valor arredor do hidróxeno

Nuno Santos, novo secretario xeral do PS.

As e os afiliados ao Partido Socialista luso determinarán nas votacións que darán inicio mañá e que se estenderán até o sábado quen se fará co liderado da organización, que agora ostenta o primeiro ministro en funcións António Costa, de cara aos comicios lexislativos anticipados de marzo de 2024. As enquisas apuntan que o ex ministro de Infraestruturas Pedro Nuno Santos imporase a José Luís Carneiro, titular de Interior, e Daniel Adrião.

A vida e a obra do compositor portugués José Afonso, máis coñecido como o Zeca, non pode explicarse sen o triángulo que conforman África, onde vive de maneira intermitente desde moi novo e onde coñecerá os efectos do colonialismo, Portugal, cuxa xeografía percorreu impregnándose das súas sonoridades, e a Galiza, chegando a sentirse o Zeca un irmán do pobo galego. Explícao Paulo Esperança nun libro que presenta esta fin de semana na Galiza.

Nuno Santos, favorito á candidatura do PS.

O conservador Partido Social Democrata (PSD) de Portugal negocia co Partido do Centro Democrático Social (CDS) a constitución dunha coalición electoral para os comicios do 10 de marzo de 2024, nunhas conversas que están “ben encamiñadas”, trasladaron hoxe varias fontes das organizacións ao xornal luso Público. A Iniciativa Liberal rexeitou nun primeiro momento unirse á coalición, que permitiría ao CDS volver ao lexislativo, do que saíu en 2022. 

O festivo coincide coa feira de Valença.

Gonçalo Guerreiro dirixe a compañía portuguesa Teatro do Mira nunha adaptación de Goldoni.