Aselar.- (Ademais de significados xa rexistrados) Asexar, axexar, vixiar, espiar.
Lugar de escoita.- Agolada (Pontevedra).
Fonte.- Andrés Lombardía Crespo.
Averiguado/a.- (Ademais de significados xa rexistrados) Entremetido, curioso, osmón. Exemplo: “Este/a é un/ha averiguado/a”.
Lugar de escoita.- Sto. Adrán de Cobres (Vilaboa do Morrazo).
Fonte.- Sé Anxo Rosales González.
Bixutear.- Vixiar, percibir.
Lugar de escoita.- Negreira.
Fonte.- Marta Dacosta.
Outros apuntamentos.- Aclara a fonte que a palabra foille recollida a unha muller de Negreira por un mariñeiro chamado Antón Parada.
Contomiñeiro.- (Adxectivo e substantivo) Que gusta de andar sempre criticando e contando cousas dos demais, contiqueiro.
Lugar de escoita.- Melide.
Fonte.- Henrique Harguindey.
Planetas.- Dise daquel que se mete en asuntos que non lle incumben ou que pretende saber e opinar de todo.
Exemplo: “Eu non aguanto a ese planetas, que quere saber de todo”.
Lugar de escoita.- A zona de Amoeiro (Ourense).
Fonte.- Carlos Manuel Gómez Bóveda.
Ramallo.- (Ademais de significados obvios. En sentido figurado) Persoa que asexa parellas mentres manteñen relacións sexuais, voyeur.
Lugar de escoita.- Caranza (Ferrol).
Fonte.- Emma Rodríguez López.
Outros apuntamentos.- Os voyeurs asexan ocultos detrás de algo, así que sendo a acción ao aire libre, o parapeto adoitaba ser un ramallo.
Toutear.- (Ademais doutros significados rexistrados) Vixiar.
Exemplo: “Que veciño temos, sempre está touteando, moi interesado no que facemos”.
Lugar de escoita.- Burela.
Fonte.- Mario Ferreira.
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@