Acelindrar.- Poñer dereito, endereitar.
Exemplo: Voute acelindrar como non fagas o que eu che mando.
Lugar de escoita.- A Estrada, Vigo, etc.
Fonte.- Manuel Cabada Castro.
Andavía.- (Ademais de significados xa rexistrados) Aplícaselle a alguén que cambia as súas opinións ou accións. Virachaquetas.
Lugar de escoita.- Cerceda.
Fonte.- Ramón e Leonor Boix Gende./ CPI O Cruce de Cerceda.
Arreboullón.- Rolando, arrolando, dando voltas sobre si mesmo; arrebullón, arroulón, arroullón.
Exemplo: “Baixamos toda a pendente ao arreboullón”.
Lugar de escoita.- Navia de Suarna.
Fonte.- Endl Navia de Suarna (Kike de Vidal)
Bragar.- Pandarse ou torcerse unha viga ou puntón.
Lugar de escoita.- Gondaísque (Terra Cha).
Fonte.- Antonio Eimil.
De bloco.- Envorcado/a, utilízase cando algo está dado a volta, co de riba para abaixo. Exemplo: “Estaba o coche de bloco”.
Lugar de escoita.- A Cañiza, Arnoso (Ponteareas)
Fonte.- Toni Machado.
Enlear o palangre.- (Expresión. Figurado) Enredar, darlles voltas ás cousas de mala maneira.
Lugar de escoita.- O Berbés (Vigo)
Fonte.- Marta Dacosta.
Xunguerraposas.-Adulador, lambecús, pelota, virachaquetas.
Exemplo: “É un xunguerraposas, non é moito de fiar”.
Lugar de escoita.- Escudeiros –Ramirás (Ourense)
Fonte.- Xoán Carlos Domínguez Alberte.
......................................................................................................
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@
