Será este sábado 11 de maio às 14.00 horas no Pazo Provincial de Deportes da cidade de Lugo: A apresentaçom pública por Siareir@s Galeg@s da plataforma Pro Oficialidade Galega. O mesmo día lugar e em que Galiza e Euskadi compitem em rugby. Na apresentaçom estaram, aliás, as plataformas basca Esait e Pro-seleccions Esportives Catalanes, apoaindo o nacemento da galega.
Pro Oficialidade Galega e Siareir@s Galeg@s, afirmam estes num comunicado, "caminharám da mão nesta travessia chamada Oficialidade, com o objectivo de ouvir o hino galego de fundo num campionato oficial e internacional".
" Nom podemos olhar cara outro lado quando vemos como desde o estado espanhol lançam ofensivas de adoutrinamento, quando nos negan o direito a ter umha seleçom própria"
![Publicidade 193771]()
"Nom podemos olhar cara outro lado quando vemos como desde o Estado espanhol lançam ofensivas de adoutrinamento, quando nos negan o direito a ter umha seleçom própria, ou quando desportistas galegas nom podem acudir a um campionato europeu porque nom tenhem para pagar o aviom", apontam desde este colectivo. Aliás, engadem,"isto agrava-se quando quem tem que velar polos nossos direitos desportivos está sumido em processos judiciais, corrupçom e só nos oferece marginaçom, miséria e mais adoutrinamento político em forma de seleçom espanhola".
Soberanía desportiva
Perante estas condiçons, salientam, "tomamos a decissom, a responsabilidade e o compromisso de criar um grupo específico de trabalho". E com que finalidade? Pois eles e elas mesmas respostam: "Espalharemos a ideia da soberania desportiva como soluçom, ampliaremos a nossa base social e as nossas expectativas trabalhando côvado a côvado com outras plataformas do nosso mesmo sentir. Sem esquecer a quem tem dificuldades para dispor de um campo de treino, quem luita por abrir portas ou quem, sob um absoluto silêncio mediático, alcança grandes vitórias. Todas e todos eles serám os nossos aliados já que nom podemos entender umha inciativa deste tipo sem a participaçom e a colaboraçom conjunta".
