O futbolista galego que actualmente milita no Real Betis, Borja Iglesias, anunciou esta sexta feira a súa decisión de "non volver á selección español até que as cousas cambien, despois de que Luis Rubiales non dimitise como presidente da Real Federación Española de Fútbol (RFEF), e instou a que este tipo de actos "non queden impunes".
"Non se se nalgún momento volverei ser unha opción, pero tomei a decisión de non volver á selección até que as cousas cambien e este tipo de actos non queden impunes", anunciou o futbolista compostelán desde a súa conta na rede social X (antiga Twitter).
Estoy triste y decepcionado.
— Borja Iglesias (@BorjaIglesias9) August 25, 2023
Como futbolista y como persona no me siento representado por lo que ha pasado hoy en la Ciudad del Fútbol de Las Rozas. Me parece lamentable que sigan presionando y poniendo el foco sobre una compañera.
O dianteiro galego mostrouse "triste e decepcionado" pola situación, tras o bico dado por Rubiales a Jenni Hermoso o pasado domingo, e subliñou que "non" se sente "representado polo que pasou" na Cidade do Fútbol de Las Rozas, sede da federación.
"Paréceme lamentábel que sigan presionando e pondo o foco sobre unha compañeira", dixo respecto diso.
Carreira de Iglesias
Iglesias disputou dous partidos como internacional e foi convocado na primeira lista do actual seleccionador, Luis de la Fuente, para os partidos clasificatorios para a próxima Eurocopa fronte a Escocia e Noruega.
Iglesias é canteirán do Celta e durante a súa carreira xogou en clubs como o Espanyol ou o Zaragoza.