Ás 20 horas, coincidindo co feche dos colexios electorais, os medios da Corporación ofrecerán á súa audiencia unha enquisa elaborada pola empresa Gad3 para a Federación de Organismos de Radio e Televisión Autonómicos (Forta).
A sondaxe, elaborada nos 26 días previos á xornada electoral, ofrece datos das sete principais cidades galegas e de catro comunidades autónomas (Madrid, Valencia, Aragón e Castela-A Mancha).
Realizouse con máis de 3.500 entrevistas teléfonicas tanto a fixos coma a móbiles nun ámbito que comprende as sete grandes cidades do país.
Resultados nas cidades
Os resultados na Coruña darían ao PP 11 edís; ao PSOE 10; o BNG tería 4; e Marea Atlántica 2.
Na cidade de Ferrol, o PP contaría con 13 edís; o PSOE con 7; o BNG obtería 3; e Ferrol en Común contaría con 2.
En Lugo, o PP tería 12-13; o PSOE, 7-8; e o BNG 5.
Na cidade de Ourense o PP lograría 9-10; o PSOE, 7-8; o BNG 4; e Democracia Ourensá 6.
En Pontevedra, o BNG conseguiría 10-11; o PP 10-11; e o PSOE 4.
Na cidade de Santiago de Compostela, o PP quedaríase en 9-10; o BNG tería 7; o PSOE 6 e Compostela Aberta 2-3:
Por último, en Vigo o PSdeG tería 19-20; o PP 5; e o BNG 2-3.
