república

Unha trintena de entidades da comarca da Coruña convocan unha concentración a prol da constitución de grupos territoriais de Galiza pola República e da creación dunha Rede de Concellos Galegos pola República. Será a terza feira ás 19:30 horas no Cantón Grande.

Houbo un tempo no que eventos que hoxe consideramos fóra de lugar, demodé, abertamente machistas e sen ningún interese social, crearon tendencia na sociedade burguesa da súa época, tanto que mesmo o galeguismo republicano se viu obrigado a furar neles na procura de visibilizar o seu aínda minoritario pensamento, ou mesmo para choutar por riba dos impedimentos legais para faceren política en tempos de ditadura. Dous casos, o de Emilia Docet e o de Francisca Goday, son ben ilustrativos. 

A plataforma Galiza pola República, que agrupa máis de 25 organizacións e colectivos, levou a cabo hoxe ás 18:30 horas, no Obelisco da Coruña, unha concentración co gallo do 45 aniversario da proclamación de Juan Carlos I como rei español.

O voceiro de ERC no Congreso, Gabriel Rufián advirte de que nun referendo a maioría da poboación do Estado español apoiaría a República. O líder de Más País, Íñigo Errejón, pensa que ten que haber “republicanos de dereitas”. Fixeron estas declaracións na presentación do libro do primeiro.

Os comicios están previstos para o mes de xaneiro pero as forzas políticas e os candidatos independentes procuran os apoios necesarios para poder concorrer.

A Casa Real escolleu Tui para retomar a axenda do rei Felipe VI e a visita propiciou varios actos de protesta contra a monarquía española e en favor da república. Ao acto oficial, con presenza de Alberto Núñez Feixoo e outras autoridades institucionais, non acudiron representantes municipais do BNG.

O rei estará hoxe na Comandancia Naval de Tui, mais as e os representantes dos tres concellos (gobernados polo BNG) rexeitaron formar parte da comitiva de autoridades.

Os dous principais partidos xamaicanos, ambos republicanos, levan anos prometendo un referendo sobre a continuidade da raíña Isabel II como xefa do Estado, mais nunca acabou por se concretar. Agora, de cara ás eleccións xerais do 3 de setembro, o actual líder da oposición comprometeuse cunha data en firme.

 O anuncio do rei emérito de abandonar o Estado español pon o foco na presión xudicial e nas adversidades que a Casa Real observa non só arredor das pescudas que leva a cabo o Tribunal Supremo sobre as finanzas de Xoán Carlos I, senón tamén ao redor do futuro da monarquía como institución. Analizamos desde a Galiza a decisión do ex monarca de fuxir cara o exterior.

O portal Electomanía publica unha enquisa que amosa que Galiza apoia de forma maioritaria un referendo sobre monarquía ou república no Estado español e que o resultado sería favorábel a esta última, segundo a posición das persoas participantes.

Baixo o lema “A esquerda pola unidade”, republicanas e republicanos irlandeses, comunistas, sindicalistas e activistas da sociedade civil marcharon polo límite que divide a illa en Tyrone-Monaghan, na primeira dunha serie de concentracións que levan por título “Mans a través da fronteira”. Houbo referencias a Euskadi, Catalunya e á República española, e interpretouse a popular canción Viva la Quinta Brigada.