O voceiro da organización política En Marea urxe a alcanzar un acordo de goberno cunha axenda política galega e asegura que a fórmula en que concorrerá a súa formación ás eleccións está aberta.
Integrada por 35 persoas, que facían parte da única candidatura presentada no proceso, ' Obxectivo 2020: polo cambio en Galicia'.
O partido encabezado por Luís Villares puxo o acento no acto do 25 de Xullo na defensa do medio ambiente e anunciou que levará ao Parlamento a declaración de Galiza como “país en risco de emerxencia climática”.
En Marea dedicou o seu plenario do pasado 13 de xullo a reivindicar o seu rol, o seu espazo, na política galega. Nada de se enlear na melancolía do paraíso non alcanzado, do réxime non derrubado, e si moita vontade de enfatizar a súa condición de forza política necesaria para o futuro do país. Derrotada nas urnas, En Marea non deita a toalla ao chan e asume o reto do próximo combate, o das galegas 2020. "Queremos facer unha achega en positivo", afirma Ana Seixas, viceportavoz da formación, sabedora de que a alternativa a Feixoo ou será plural ou non será.
Luis Villares defende que hai espazo e demanda na sociedade para unha organización como a da cal é portavoz. O portavoz cargou contra a “irresponsabilidade” de PSOE e Unidas-Podemos nas negociacións para a investidura do presidente español.
Os aproximadamente cento cincuenta asembleístas presentes na xornada do sábado 13 de xullo no plenario de En Marea que decorreu na aula B da Facultade de Económicas da Universidade de Santiago de Compostela aprobaron unha nova definición ideolóxica e marcaron o calendario electoral para a elección da dirección. Unha cita que terá lugar o 29 deste mes.
Case 200 toman parte no V Plenario da organización que, xa sen Podemos, Esquerda Unida nin Anova, quer situar o inicio dun novo camiño, autónomo e afastado de “rupturismos”. Existe un espazo político dentro do “bloque progresista galego” que sen En Marea estaría “orfo”, defende Luis Villares.
Non só non dimitiu cando o Tribunal Supremo anulou o seu nomeamento da irmá do portavoz parlamentario do PP e quedou de manifesto o carácter nepotista da súa conduta. A Valedora do Pobo, Milagros Otero, vén de remitir un escrito á Mesa do Parlamento en que reclama un aumento do seu salario.
O Partido Popular pretende debater rápido e con pouco ruído a tramitación da nova Lei de Patrimonio Natural impulsada pola Xunta. Denúnciao o deputado Antón Sánchez, de En Marea, para quen a dereita “quere furtar o debate”. Ademais de acelerar os prazos, o PP tampouco quere escoitar en ponencia os colectivos ecoloxistas.
O vindeiro sábado 13 de xullo, na aula b da Facultade de Económicas da Universidade de Santiago de Compostela, En Marea organiza un novo plenario coa vista posta nos vindeiros comicios galegos. Os documentos sometidos ao debate pola dirección, ás emendas aos relatorios presentados polas inscritas e as conclusións dunha quenda de debates celebrados nas comarcas após as municipais anuncian un vivo debate.
O deputado no Parlamento galego e portavoz nacional de Anova Antón Sánchez asegurou que o exalcalde de Santiago de Compostela é "un referente” e “un dos imprescindíbeis” e afirmou que "vai ter un compromiso político para sempre".
"Dende 2009, que chegou ao goberno Feixoo, non contamos con ningún avance nesta dirección malia as promesas de sacala adiante".
Após a ruptura do grupo parlamentar de En Marea e dos procesos electorais, a formación liderada por Luís Villares convocou un plenario para o vindeiro sábado 13 de xullo. As bases están chamadas a debater o novo rumbo da organización así como o estabelecemento de cotas ás persoas inscritas.
Non haberá portavocía rotatoria. En Marea só terá un voceiro, o economista Manuel Lago. Así o resolveu o grupo parlamentar esta segunda feira. A decisión, segundo puido saber Sermos, foi adoptada por unanimidade. No autoproclamado espazo da unidade popular Lago é independente, aínda que próximo a EU. Mantén unha boa relación co villarismo.
Defende que son a “representación institucional” do espazo En Marea mais a Mesa do Parlamento acordou que non poderá manter esa designación
Anova está en pleno proceso de reflexión, coa súa IV Asemblea Nacional no horizonte, e se ten algo claro o seu máximo dirixente, Antón Sánchez, é que a formación soberanista "non aspira a ser a pata nacionalista dunha coalición". A súa ambición é distinta, é a de dar armado un suxeito político republicano, aberto a distintas sensibilidades e radicalmente enfrentado ao réxime de 1978. Sánchez pensa que aínda é posíbel desenlear a madeixa de poder tecida no Estado á saída da ditadura.
