En Marea

Vén do activismo social a rentes do chan e non dos partidos como aparatos e non quere perder esa identidade no seu novo ámbito institucional de traballo, o Senado. Cando se lle lembran as acusacións de Luís Villares a Podemos pola pulsión polo control que supostamente caracterizaría a formación liderada por Pablo Iglesias, afirma con certa vehemencia que non será fagocitado nin por nada nin por ninguén. José Manuel Sande,  ex concelleiro de Culturas da Coruña pola Marea Atlántica, foi eleito senador esta terza feira en representación do Parlamento de Galiza. "Que rol podo xogar no Senado? Axudar a visibilizar o país en Madrid", afirma.

As e os representantes no Parlamento de PP, PSdeG e do grupo de En Marea (Anova-Podemos-EU) votaron conxuntamente designar para o Senado unha lista formada por dous ex edís do PP e un da Marea Atlántica (Vázquez, Muñoz e Sande). Producíronse 8 votos en branco, emitidos polos seis parlamentares do BNG e por dous deputados do novo grupo mixto nado após a ruptura de En Marea (Luís Villares e Pancho Casal). Os outros dous membros do mixto (Paula Vázquez Verao e Davide Rodríguez) ausentáronse da votación.

Unha portavocía "compartida" é a perspectiva máis probábel que se abre perante o grupo que, xa sen a formación de Villares no seu seo, partillarán no Parlamento galego Podemos, Esquerda Unida e Anova. A nova escadra no Pazo do Hórreo non se estreará no pleno desta semana, ao non se ter consumado aínda a constitución do grupo mixto.

A marcha de catro deputados, entre eles Luís Villares, ao grupo mixto, non impedirá a En Marea lograr o senador por designación autonómica ao que tiña dereito como segunda forza. Os servizos xurídicos do Parlamento alegan que o trámite de elección foi aberto antes da ruptura.

En Marea partido está hoxe fóra de En Marea grupo parlamentar. Este sarillo ilustra ben a complexa situación que ten de pilotar como dirixente político Luís Villares, o líder dunha nova formación parlamentar composta por unha deputada (Paula Vázquez Verao) e tres deputados (el propio, Davide Rodríguez e Pancho Casal) que esta sexta feira 21 de xuño formalizaron a súa inscrición no grupo mixto da cámara galega. Villares ten plena confianza en que hai espazo político e electoral para unha En Marea renovada que recupere o espírito fundacional de 2015. "A alianza é máis doada entre persoas que entre partidos", afirma.

Após vivir meses á beira da ruptura, En Marea deu esta quinta feira o último paso da súa andaina como o grupo que coñecemos desde a súa fundación en 2015.

Afirma que o actual grupo no Parlamento da Galiza non representa a Marea de 2016 senón a Podemos. Acusa Anova e Esquerda Unida de 'seguidismo' do partido de Pablo Iglesias. Villares anunciou tamén que non van formalizar a súa proposta de senadora, a de Mariló Candedo. A de Sante tería por tanto o apoio dos 10 parlamentares que fican no grupo, o que pode abrir unha batalla xurídica que pode resultar en que o escano do Senado vaia para o PSdeG.

Todas as opcións están sobre a mesa —entre elas rexistrar ou non a proposta de Mariló Candedo como senadora— mais a hipótese que aparece como máis probábel é que o Consello das Mareas resolva esta quinta feira ir ao grupo mixto e rachar definitivamente co triángulo Podemos-Esquerda Unida-Anova.

A dirección do partido trasladará á Comisión de Garantías a solicitude de baixa dos 8 parlamentares que apoiaron a opción de José Manuel Sande como senador. Se non renuncian ás actas, pídelles que abandonen o grupo parlamentar. Acusa Podemos de “querer destruír a casa común”.

O pleno extraordinario para a designación dos tres escanos que lle corresponden ao Parlamento na cámara alta vai ter lugar a próxima terza feira, segundo acordou esta terza a Mesa do lexislativo galego. O prazo para apresentación de candidaturas conclúe esta sexta feira ás 13.30. En teoría correspóndenlle dous escanos ao PP e un a En Marea, como segunda forza. A dúbida está en se En Marea chegará intacta a ese pleno ou non. 

Na mañá desta terza feira, En Marea partido vai tomar unha decisión definitiva sobre a ruptura ou continuidade do grupo parlamentar. Villares prevé reunir a coordenadora (Executiva) da formación e todo indica que a resolución que adopte a dirección se sometará a unha votación telemática por parte dos integrantes do Consello da Marea, máximo órgano da formación entre plenarios (asembleas nacionais). Mentres tanto, Podemos, EU e Anova voltarán a votar a proposta de senador, con José Manuel Sande como claro favorito, nunha votación presencial á que non asistirá ningún villarista.

O grupo parlamentario de En Marea ten previsto unha xuntanza esta terza feira para formalizar a candidatura de Xosé Manuel Sande como senador por designación autonómica. Esta proposta non conta co apoio das e dos deputados afíns a Luís Villares, xa que é contraria á proposta realizada pola dirección de En Marea.

Mentres se substancia a ruptura coa En Marea villarista, Galicia en Común postúlase como o novo espazo da autodenominada esquerda transformadora. Composto neste momento por Podemos e EU, o novo axente político aspira a sumar ás súas filas a Anova de Antón Sánchez.

José Manuel Sande, concelleiro de Cultura en funcións da Coruña (Marea Atlántica), é a proposta con máis apoios no grupo parlamentar de En Marea para ser designado como senador en representación da comunidade autónoma. Iso era o esperado dada a correlación de forzas interna, e iso foi o que ficou de manifesto na votación telemática realizada esta cuarta feira. A noticia é que o grupo de Villares abstívose de participar na votación, cuxo resultado non recoñece. No reconto, Sande obtivo 8 votos, en tanto que Mariló Candedo —a proposta da En Marea oficial— só conseguiu un apoio. Villares tentou sen éxito unha vía de consenso e até chegou a propor Manuel Lago, dirixente próximo a Esquerda Unida, como ponte coa tríade Podemos-Anova-EU.

O Parlamento de Galiza rexeitou cos votos das e dos deputados do Partido Popular unha moción presentada por En Marea que incluía unha batería de 35 medidas destinadas a reformular o plan de atención primaria da Xunta de Galiza.

Como o BNG na mesma mañá desta segunda feira, En Marea dedicou a súa comparecencia de prensa á situación da industria. Denunciou a caída do 14% no índice de produción do sector e amosou a súa preocupación polas electrointensivas, para as que propuxo dez medidas de choque.

Após os resultados electorais do 26M Luís Villares despexou dúbidas sobre o seu futuro e comprometeuse a continuar como deputado de En Marea até o final da lexislatura. Mentres, Gonzalo Caballero chega ao Parlamento Galego para presidir o grupo do de deputadas e deputados do PSdeG.

A formación liderada por Antón Sánchez enviou un comunicado para saír ao paso de informacións publicadas por diversos medios, entre eles Sermos Galiza.

Demanda un Plan Sectorial de actividades extractivas para evitar casos coma o "proxecto aberrante" da mina de Touro.

O líder de Anova non quixo entrar no fogo cruzado con Luís Villares após o portavoz de En Marea ter cargado esta terza feira contra Pablo Iglesias. A "sobreexposicion mediática" e as voltas arredor dos conflitos internos só valen para lle dar "armas ao inimigo", razoou Antón Sánchez no Parlamento galego a perguntas dos medios.