comercio

O presidente da Federación, José María Seijas, asume que haberá despedidas porque o sector está a pasalo mal en toda Galiza. En calquera caso, resalta que o turismo nos municipios costeiros permitiu experimentar certa melloría. O obxectivo é remontar a nivel global no segundo trimestre do próximo exercicio.

A pandemia agravou a situación que xa padecía o pequeno comercio galego. Algúns tiveron que fechar e os que resistiron admiten, segundo as organizacións que os representan, que foi por un esforzo propio e da veciñanza. Agora o gran perigo, segundo indican, é a competencia da venda online de grandes corporacións.

A aplicación informática de acceso para descargar os descontos, xestionada por Abanca, só conta coa pantalla inicial en lingua galega. Unha vez iniciado o proceso a lingua única pasa a ser o castelán.

O cadro de persoal que esta multinacional téxtil ten en Ourense vén de convocar unha folga contra o Expediente de Regulación de Emprego. Entre outras cuestións, as e os traballadores reclaman que se negocie por territorios.

Andrea Mosteiro Sanxiao creou o proxecto "Na Estrada, en galego" en febreiro de 2020 con 16 anos, cando estudaba 1º de bacharelato. A iniciativa emprega as redes sociais para visibilizar os comercios que usan a lingua galega e serve, ao mesmo tempo, para unilos a través do amor polo idioma. Comezou con poucos participantes mais agora, malia algunha baixa a consecuencia da crise pola pandemia, son 29. Nós Diario reflexiona con ela sobre a situación do galego no comercio e na sociedade.

As vendas de alimentación no comercio polo miúdo son as únicas que presentan datos positivos.

O Indicador do Foro Económico da Galiza deu a coñecer novos datos sobre conxuntura económica que confirman un retroceso.  

Desencallado despois de varios intentos o 'Ever Given'

A Federación Galega de Comercio cre que Galiza debería recuperar as competencias para determinar os períodos de rebaixas e regular tamén as promocións e descontos no sector.

As exportacións de produtos téxtiles volveron a cifras positivas e, xunto coa automoción, tiraron do crecemento rexistrado en decembro, aínda que os datos só representan 92,9% do que se movía antes da crise da Covid-19.

O comercio retallista atópase na Galiza nunha situación de emerxencia. Se nos últimos anos o escenario para o sector xa foi moi delicada, até o punto de fechar na Galiza en 2019 perto de 2.100 negocios, a pandemia agravou unha crise que agudizou as tendencias anteriores, derivadas da introdución de novas canles de comercialización asociadas ás grandes operadoras tecnolóxicas. A brutal caída da facturación e das marxes de beneficio en 2020 así como o cese na actividade de moitos comercios debuxan un panorama moi preocupante.

A partir desta cuarta feira, o comercio non esencial volverá abrir até as 21.30 horas, e a actividade cultural retomarase en bibliotecas, arquivos, museos, salas de exposicións, cinemas e auditorios. Ao mesmo tempo, reabriranse as instalacións ao aire libre para a práctica individual de deporte e aumenta o número de visitas e visitantes por semana aos centros residenciais. As aulas presenciais volveranse impartir o 22 de febreiro en conservatorios de música, ensino especial e escolas de idiomas, mais as universidades deberán agardar ao primeiro de marzo.

O Círculo de Empresarios sinala a necesidade de conectar por tren o porto de Vigo e Feixoo pide na Coruña o mesmo para o de Punta Langosteira.

A economia galega tem um grave problema de falha de competitividade.

As novas restricións sitúan Galiza nun "confinamento encuberto" que afecta especialmente á hostalaría e ao comercio. As persoas teñen "medo" e os estabelecementos camiñan "cara á bancarrota".

Toda a Galiza pasa ao nivel máximo de restricións: fechamento individual dos concellos, limitación das reunións a persoas conviventes e suspensión das actividades non esenciais.

A Federación Galega de Comercio calcula que o gasto medio por persoa, sensibelmente inferior ao de 2019, rondará os 200 euros.

A representación das dúas partes pasou a madrugada repasando as 2.000 páxinas do documento polo que se chega a esa decisión histórica. O tema das cotas de pesca foi un dos de maior complexidade, como xa avanzaba a frota galega.

 

Esta quinta feira entra en vigor o Decreto-lei de apoio ao comercio, á hostalaría e ao turismo que aprobou o Goberno español. Na Galiza, desde estes sectores rexeitan unhas medidas que non contemplan nin axudas directas nin a paralización de taxas e impostos. Pola contra, cren que os "endebeda" máis de cara a 2021.

A Federación Galega de Comercio constata desconfianza entre as persoas consumidoras, que reducen o gasto nas súas compras de Nadal.