cariño

O Concello de Cariño (Ortegal) levantou a prohibición de consumo de auga en varias parroquias nas que permanecía vixente desde comezos de marzo, cando as análises na estación de tratamento do Castro detectaron elevados valores de trihalometanos. Deste modo, o consumo da rede de abastecemento volve estar permitido desde a tarde da segunda feira nas parroquias de Cariño e A Pedra, unha vez as analíticas sinalaron unha mellora das condicións da auga, que xa fora notificado á Consellaría de Sanidade. Desde o Concello, que encabeza a popular Ana María López, sinalaron que se instou a adxudicataria a axilizar a intervención na estación de tratamento e levouse a cabo un purgado da rede ante sospeitas de que un dos codos do circuíto podía ter acumulados trihalometanos.

O Concello de Cariño (Ortegal) volveu facer efectivas as restricións de auga en varias parroquias despois de detectar valores de trihalometanos por riba do permitido na billa da estación de servizo da gasolineira, procedente da depuradora do Castro. Nun comunicado, o Goberno local indicou que as analíticas efectuadas a semana pasada ofrecen un resultado adverso, polo que se volveu restrinxir o consumo nas parroquias de Pedra e de Cariño. En concreto, a norma estabeleceuse a pasada quinta feira e confirmouse cos resultados desta segunda feira. Na terza feira retomarase o servizo de camión cisterna que achegará auga ás vivendas cada terza e quinta feira no mercado municipal até que a auga volva ser apta para o consumo. Na mesma liña, tanto o sábado pasado coma onte repartíronse garrafas de auga.

Un home morreu na mañá desta sexta feira en Cariño (Ortegal), após envorcar o vehículo que conducía e quedar atrapado debaixo. Segundo informa o 112-Galiza, ocorreu antes das 8 horas da mañá na estrada que dá acceso á canteira de Landoi, na parroquia de Feáns. A alerta deuna un particular que atopou á vítima debaixo do vehículo. Seguidamente, o 112 avisou aos bombeiros do Eume e ao GES de Ortigueira para que o puidesen liberar e facilitar a atención dos sanitarios, que non puideron facer nada por salvarlle a vida. Até o lugar dos feitos tamén acudiron axentes da Garda Civil, que colaboraron cos equipos de emerxencias para tratar de solicitar toda a información do suceso.

A Mostra de Teatro Galego de Cariño chega este ano á súa 45ª edición presentando espectáculos de compañía punteiras da escena da Galiza outorgándolle a algunhas compañías estranxeiras no apartado das artes escénicas de rúa.

O proxecto abrangue os concellos de Cariño, Cedeira, Cerdido, Moeche, Ortigueira, San Sadurniño e Valdoviño.

Gallaecia Raid volve cunha proba de orientación en bicicleta de montaña por segundo ano consecutivo a Cedeira. Nesta ocasión súmase Cariño con outra proba de sprint.

Esta obra de teatro, cuxo autor é Dario Fo foi escrito hai máis de 50 anos e, segundo Talia Teatro, segue a estar de moda