biodiversidade

Investigadores de EUA, Chile, Australia ou Portugal participaron no estudo publicado na revista ‘Global  Ecology  and  Biogeography’ e que se centra no ‘'Eucalyptus  globulus', moi presente na Galiza.

"A día de hoxe non hai ningunha resolución de inclusión publicada no DOG, polo que non hai ningunha zona húmida inscrita no Inventario", di a subdirección xeral de Espazos Naturais, en resposta a unha solicitude de información dun colectivo ecoloxista á que tivo acceso Nós Diario.

Un total de 46 asociacións defenden políticas alternativas en relación con esta especie dada a negativa da Xunta a aceptar que estea protexida.

As fronteiras están fechadas pola pandemia, pero a natureza non cesa de moverse. Millóns de aves, alleas aos esforzos dos humanos para conter o virus, percorren o mundo buscando lugares aptos para criar ou climas propicios para pasar o inverno. Ao rematar a tempada reprodutiva, un enorme continxente destas criaturas emprende o camiño cara a territorios temperados para evitar a escaseza de alimento derivada das baixas temperaturas nórdicas. E moitas delas escollen a Galiza como o lugar idóneo para esperar a que pase o frío, volver ás zonas de reprodución e comezar así un novo ciclo.

O Ministerio para a Transición Ecolóxica comprométese a restaurar a zona húmida da Limia.

A Asociación para a Defensa Ecolóxica da Galiza (Adega) únese á plataforma estatal Alianza Enerxía e Territorio (Aliente) para defender a biodiversidade fronte aos proxectos de enerxía renovábeis a grande escala. 

Propomos para estes días de restricións da mobilidade achegarnos á natureza máis próxima da man dos paxaros.

O Concello de Pontevedra vén de publicar a 'Guía de bolboretas do ENIL Xunqueira de Alba', un manual ilustrado que nos permite recoñecer até 43 especies deste insecto

Os contidos desta semana tamén inclúen a habitual cita coa astronomía e unha reportaxe arredor do mundo das aves. Se queres gozar de todos eles só tes que acudir ao quiosco este sábado e mercar Nós Diario.

Hai quen di que as árbores son vida. Unha vida que desinteresadamente rexenera o aire que respiramos, amortece os sons que escoitamos e atempera o frío e a calor que sentimos. Unha vida que garda mil vidas no seu interior e que non merece morrer pola neglixencia do ser humano. Parece que seguimos sen decatarnos da importancia que presentan as árbores na calidade de vida das persoas. Moitas veces as administracións as ven como un simple estorbo e elimínanas ou trasládanas cando lles resultan molestas. Mais as árbores non son un ornamento urbanístico de quitar e pór.

O fráxil equilibrio dos ecosistemas fai que calquera intervención humana provoque unha reacción en cadea. Aínda que a intención sexa boa. É o caso da protección do oso panda na China, que levou á redución na zona de catro grandes mamíferos. Ademais, a conservación animal tamén choca en ocasións co benestar de pobos orixinarios.

Nada en Madrid mais afincada na Galiza desde hai sete anos, a bióloga  especializada na conservación da fauna e da natureza Sandra Goded estudou os efectos negativos da proliferación de monocultivo de eucalipto na comarca onde reside, a da Ulloa. "Era necesario facelo", considera.

Este ano, no Día Internacional da Diversidade Biolóxica que se celebra cada 22 de maio, a ONU lémbranos que na natureza están "as nosas solucións". Protexela e recuperala é prioritario para as organizacións ecoloxistas galegas, que afean á Xunta a falta de sensibilidade e de respecto polo patrimonio natural.

Unha tese doutoral, cuxas conclusións fai públicas a asociación ecoloxista Adega na sua revista, Cerna, constata a perda de biodiversidade que causa a proliferación dos monocultivos de eucalipto, especialmente en plantas e aves. Segundo fai notar, a superficie dedicada a esta especie na Galiza multiplicouse por cinco nos últimos 30 anos. 

 

 

 

A páxina web Biodiversidade do Deza, xestionada por Javi Cui, conforma un espazo de divulgación ambiental da comarca mencionada. Con este fin, ofrece unha catalogación das especies presentes nos ecosistemas, todas elas fotografadas a pé de campo. Conversamos co creador deste proxecto, que naceu en 2016 para contaxiar o seu interese polo medio natural a toda a cidadanía. 

Ao longo de toda a costa galega eríxense infinidade de illas e illotes que supoñen un punto estratéxico natural. Estes emprazamentos caracterízanse por unha gran biodiversidade mariña e territorial e, tamén, por seren obxecto das máis antigas lendas tradicionais. As insuas máis recoñecidas, na actualidade, son aquelas que conforman o Parque Nacional das Illas Atlánticas. Porén, tamén existe un patrimonio natural e cultural alén delas.

Adega lamenta os “retrasos inxustificábeis” das administracións no compromiso coa biodiversidade. “Semella que o papel da administración consiste en xestionar ordenadamente a súa extinción”, lamentan.

Un proxecto liderado pola USC identificará as especies de flora ameazadas, creará unha base de datos da súa distribución xeográfica, avaliará os actuais espazos protexidos e implicará a sociedade na súa preservación.