A Fonsagrada

"As marcas dos castiñeiros nada queren expresar sobre as bondades dos seus emisores".

A viceportavoz do BNG Olalla Rodil vén de denunciar a falta de facultativos en centros médicos dependentes da Sergas en varios concellos de Lugo.

A veciñanza debe desprazarse 60 km para poder recibir atención médico.

A Asociación Galega de Viticultura (AGV) comezou esta sexta feira en Lugo unha serie de eventos para dar a coñecer os viños da recentemente creada Indicación Xeográfica Protexida (IXP) Terras do Navia. Os actos continuarán este mes en Vilalba (A Terra Chá) e en xullo nos municipios mariñáns de Viveiro e Barreiros.

O equipo de As neves, primeira longametraxe da directora e guionista viguesa Sonia Méndez, compartiu hoxe co público da Fonsagrada a preestrea do filme, que foi rodado en diferentes localizacións do municipio, así como noutros concellos veciños e en Santiago de Compostela. O filme, protagonizado por un elenco maioritariamente novel, conta a historia dun grupo de adolescentes nunha localidade do interior a raíz da desaparición dunha das amigas durante a celebración do Entroido. O filme estreouse no Festival de Málaga e poderá verse nos cinemas a partir do 10 de maio. As neves é a primeira experiencia de Sonia Méndez como directora e guionista dunha longametraxe de ficción, se ben conta cunha recoñecida traxectoria de máis de vinte anos no sector audiovisual.

Un home de 92 anos faleceu na madrugada desta terza feira no Hospital Lucus Augusti de Lugo como consecuencia das feridas sufridas o pasado domingo tras caer por un terraplén na Fonsagrada (comarca homónima). O home atopábase hospitalizado desde a tarde do domingo, cando foi rescatado polos servizos de emerxencia do lugar polo que caeu cando camiñaba pola parroquia de San Pedro de Maderne. O ancián dirixíase a unhas colmeas da súa propiedade cando esvarou e se precipitou por un barranco. Durante a caída, sufriu varias contusións que requiriron o seu traslado ao hospital, onde faleceu.

A música tradicional é un punto de unión e de comunidade para a sociedade galega. Os sons das pandeiretas e das gaitas nas foliadas enchen todos os recunchos da Galiza, facendo que as rúas e as prazas do territorio galego sexan unha gran festa. Mais, cantas foliadas hai no país? Aquí tes algunhas delas.

O BNG da Fonsagrada leva 27 semanas con concentracións para reclamar unha sanidade digna para A Fonsagrada e Negueira de Muñiz. María Fernández, responsábel local da formación nacionalista, explica que con estas mobilizacións queren deixar claro que "coa nosa saúde non se xoga”. Critica os recortes en Atención Primaria e as súas consecuencias nunha comarca coa poboación avellentada e dispersa.

O BNG reclama recursos para a unidade de psiquiatría infanto-xuvenil do Hospital Lucus Augusti de Lugo.

A veciñanza concentrouse en defensa da sanidade pública e co apoio do BNG, que propón destinar 200 millóns de euros para devolver á Galiza a atención, os medios e o persoal perdidos.

A comarca conta con catro prazas médicas vacantes dun total de sete.

A Fonsagrada, O Carballiño, O Condado, A Paradanta, O Morrazo e Soutomaior atópanse baixo mínimos.

Artesanía, música e baile fecharán este sábado a oitava edición da festa

Caamaño&Ameixeiras, Mondra, Tiruleque, Alana, Axeigo, Omiri, L-R e Irmaus da Raia Seca soa algunhas das artistas que actuarán na Foliada, que tamén homenaxeará Kepa Junkera co espectáculo Polavilak.

A da Fonsagrada pasou de ser unha foliada marcada no calendario daquelas persoas pertencentes ao ámbito tradicional a ser o chamado "festival de inverno". Un festival que decorre na ponte de decembro e que conta agora con persoas seareiras doutros xéneros musicais, como poden ser as músicas urbanas. 

Entrevistamos o escritor vasco, achegámonos Á Fonsagrada ea súa foliada e achegámonos á exhumación dos restos de Francisco Miguel . Tamén falamos das últimas novidades do panorama literario, musical e cinematográfico. E moito máis!

O centro de saúde, alerta o BNG, ten só tres médicas que atenden a veciñanza da Fonsagrada e Negueira de Muñiz, perto de 4.000 persoas "cunha media de idade moi avanzada".

Os Ancares, A Fonsagrada e Meira, as comarcas que conforman a área coñecida popularmente como A Montaña, levan máis dun século despoboándose. Un proceso iniciado coa emigración americana das últimas décadas do s. XIX e das primeiras do XX, agudizado coas emigracións europeas da segunda metade do s. XX e acelerado coa reconversión do complexo agrario, após a incorporación do Estado español ao Mercado Común Europeo, antecedente da actual UE. O 28-M, tócalles ás 19.057 veciñas e veciños da zona decidir o camiño a seguir.

A Fiscalía pedía 11 anos de prisión para a irmá maior da vítima, o seu marido e o cuñado, que recoñeceron os feitos, mais finalmente foron condenados a 3 anos cada un.