Electomanía vén de publicar unha nova enquisa para as eleccións ao Parlamento da Galiza do vindeiro ano.
De acordo con esta sondaxe, a maioría absoluta do Partido Popular ‘periga’ debido ao ascenso do BNG que aumentaría tanto en número de escanos como en porcentaxe de voto.
Así, a formación nacionalista conseguiría 26,4% dos sufraxios mentres o PP lograría 44,2%. Pola súa parte o PSdeG mantería unha porcentaxe similar á lograda en 2020 con 19,39%.
Isto tradúcese en 39 escanos para o partido de Alfonso Rueda, 22 para os nacionalistas, liderados por Ana Pontón e 14 para o socialistas, que aínda non teñen un candidato designado.
Isto significaría que o PP estaría perto de perder a maioría absoluta que o mantén á fronte da Xunta da Galiza.
UP, Vox e Sumar?
A enquisa de Electomanía deixa fóra da Cámara galega Unidas Podemos e Vox aos que lles outorga 4% e 4,7% dos votos respectivamente.
Desta forma ficaría un Parlamento con tan só tres grupos parlamentarios, é dicir, exactamente igual que na actualidade se ben aínda se descoñece a fórmula coa que a formación de Yolanda Díaz, Sumar, se presentará ás elección galegas ou se o fará en confluencia con Unidas Podemos.
Aínda se descoñece a data en que a poboación galega está chamada a votar, con todo, o titular do Executivo galego xa anunciou que sería favorábel a facer coincidir os comicios galegos cos de Euskadi, que terán lugar o 9 de xuño de 2024.
Para esa mesma data tamén están convocadas as elección europeas.
