LINGUA

Palabras con memoria: mundo animal

Palabras con memoria: mundo animal

Nova edición das 'Palabras con memoria' de Ramiro Torres.

Manda de cabalos de pura raza galega, especie da que se conservan perto de 1.700 exemplares no país (Foto: Cedida).
photo_camera "Bicho" é a forma coa que se coñece en Sabucedo á cría nova cabalar (Foto: Cedida).

arganón.- Rata grande (de auga).

Lugar de escoita.- Arbo.

Fonte.- J. Ignacio Alonso (Salvaterra).

Outros apuntamentos.- A mesma fonte sinala que en Salvaterra é aguanón e ag(h)anón nas Neves.

 

bicho.- (Ademais doutros significados). Cría nova cabalar, sexa macho ou femia, ata que ten máis ou menos un ano, que é cando empeza a ser denominada/o poldra/o.

Lugar de escoita.- Sabucedo (A Estrada).

Fonte.- Glosario da Rapa de Sabucedo de Manuel Cabada Castro e Roi Vicente Monteagudo.

courán.- Escaravello da pataca que non ten coiraza.

Exemplo.- “As patacas deste ano non valen nada con tanto courán.”

Lugar de escoita.- O Morrazo.

Fonte.- Manuel Novas Canosa.

Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.

rescacheiro.- Rezcacheiro, ourizo cacho.

Lugar de escoita.- Baños de Molgas, Maceda (Ourense).

Fonte.- Sé Anxo Rosales González.

sanguiño.- (Ademais doutros significados) Samesuga.

Lugar de escoita.- Cuntis.

Fonte.- Marcos Seixo.

touro.- (Ademais de significados xa rexistrados) Cocho marón.

Lugar de escoita.- O Courel.

Fonte.- Dun vocabulario courelao.

comentarios