Aparrear.- Fatigar.
Exemplo: “O avó dixo que ía aparrear a perna se andaba moito sobre ela”.
Lugar de escoita.- Cee (A Coruña).
Fonte.- María Canosa.
Cuxilitranco/a.- Persoa ou animal que, ademais de coxear, camiña de maneira desamañada. Cuxilitranquear.
Lugar de escoita.- A Mariña luguesa.
Fonte.- Isidro Novo.
Esperrecharse.- Abrirse de pernas, estricarse. Rirse moito.
Lugar de escoita.- Muxía.
Fonte.- Proxecto Buserana de Muxía.
Estafa.- (Ademais de significados xa rexistrados) Acción ou obra fatigosa; o que causa fatiga. Existe o verbo “estafar” na mesma parroquia de escoita co significado de fatigar.
Exemplo de uso: “Cheghou aquí medio estafado”.
Lugar de escoita.- Santa Mariña (Covelo).
Fonte.- Sé Anxo Rosales González.
Fisgoada.- Picada, lategazo, proído, comechón nun músculo ou nalgunha parte do corpo, frisgoada.
Exemplo: Esta noite deume unha fisgoada nunha perna e adoecín coa dor.
Lugar de escoita.- Bisbarra de Navia de Suarna.
Fonte.- Endl de Navia/(Estrella de Navia e Raquel de Son).
Ventrecha.- (Ademais de significados xa rexistrados) Sofraxe, parte da perna posterior ao xeonllo.
Lugar de escoita.- Baltar (Ponte Caldelas).
Fonte.- Sé Anxo Rosales González.
Xamba.- Perna. Extremidade inferior do corpo das persoas ou parte do animal situada entre o pé e os xeonllos.
Lugar de escoita.- Bergantiños e noutras zonas da Galiza rural.
Fonte.- Alberte Suras.
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@
