arrancadeira.- Última consumición da noite.
Lugar de escoita.- O Courel.
Fonte.- Dun vocabulario courelao.
aureta/oureta.- Auga.
Lugar de escoita.- Comarca de Bergantiños.
Fonte.- Alberte Suras.
Outros apuntamentos: É moi posíbel que derive da xiria dos canteiros.
lapoirada.- Grolo.
Lugar de escoita.- Raposo de Miraz (O Courel).
Fonte.- Dun vocabulario courelao.
oranghe.- Refresco con gas, de calquera sabor.
Lugar de escoita.- Burela.
Fonte.- Mario Ferreira.
Outros apuntamentos: Apunta a fonte que a palabra, tomada directamente do inglés, é usada unicamente polas persoas maiores. Deberon aprendela das etiquetas destas bebidas, aínda que a empregan para calquera sabor.
purriela.- A última augardente que sae cando se destila. Úsase para rebaixar augardentes demasiado fortes ou para facer licores por maceración.
En tempos ata se lle daba ás crianzas.
Lugar de escoita.- Cuntis.
Fonte.- Marcos Seixo.
Outros apuntamentos: Supón a fonte que poida estar relacionada con "purrela", denominación que se lle dá ao viño malo.
requicha.- Augardente de uva.
Lugar de escoita.- O Páramo (Lugo).
Fonte.- Suzana de Páramo.
zurrupia.- Mestura de líquidos (preferentemente con disolucións etílicas) de aspecto toldado, sucio.
Lugar de escoita.- Terra de Caldelas (As Barreiras, Poboeiros, Castro Caldelas)..
Fonte.- Xerardo Méndez.
Outros apuntamentos: A mesma fonte apunta que escoitou na Limia para ese significado zurrupia e churrupia.
