A árbitra de baloncesto natural a Coruña, Paula Lema, foi albo de ataques machistas a pasada semana mentres dirixía un partido da liga feminina de baloncesto.
Nun encontro que enfrontaba ao Bembibre contra o Spar Girona no Bierzo, un espectador comezou a proferir insultos machistas de cara á árbitra. “Puta! Vai limpar!” podía escoitarse por parte do espectador que, ademais, mostraba unha actitude intimidante de cara á colexiada.
Esto es absolutamente intolerable.
“Puta” y otras barbaridades machistas mientras pitaba un partido de baloncesto.
Ánimo a Paula Lema y a todas las personas que sufren esto mientras hacen su TRABAJO.pic.twitter.com/CWbyEWC7W9— Anaïs López (@anaislopez23) November 1, 2023![Publicidade 193771]()
O Bembibre expulsa o seareiro
Ante o acontecido, o equipo local no encontro, o Bembibre, decidiu expulsar o autor dos feitos.
“Toda a xunta directiva do noso club quere condenar, non só as expresións proferidas durante este encontro, senón todo tipo de expresións machistas ou sexistas que atenten contra a integridade moral das mulleres ou de calquera persoa, neste caso concreto, contra a colexiada do partido”, indicaron nun comunicado.
Para alén diso, expresaron que “na nosa extensa traxectoria de doce temporadas na máxima categoría do noso baloncesto feminino e cunha presidenta como mandataria actual, sempre reivindicamos o papel do deporte feminino como elemento de inclusión e cohesión na nosa sociedade, polo que defendemos a igualdade e rexeitamos este tipo de condutas e calquera tipo de discriminación, que non favorecen á imaxe do deporte en xeral”.
Así, anunciaron que decidiron “prohibir a entrada a este seareiro a todos os partidos que dispute o noso equipo como local”.
