Galiza sitúase á cabeza dos territorios do Estado español con máis ingresos nas UCI na última semana. As cifras da Galiza supoñen unha cuarta parte das 439 persoas hospitalizadas en áreas de pacientes críticos en todo o Estado español.
![Julio García Comesaña, conselleiro de Sanidade, xunto a José Flores, xerente do Sergas, e Carmen Durán, directora xeral de Saúde Pública, nunha fotografía de arquivo [Imaxe: Xunta da Galiza].](/asset/zoomcrop,480,270,center,center/media/nosdiario/images/2021/02/03/2021020320292176106.jpg)
Once novos ingresos elevan a cifra de pacientes nas unidades de coidados intensivos a 253, moi por riba daqueles 177 que marcaran o pico da primeira vaga.
A presión hospitalaria segue en aumento na Galiza, cuxos hospitais contan con 1.331 pacientes coa Covid ingresados, 210 deles en UCI e 1.121 noutras unidades. Ademais, volven repuntar os contaxios diarios, con 1.643.
Núñez Feixoo e Pedro Sánchez reuniranse hoxe e, entre outros temas, falarán do reparto de vacinas e a posibilidade de adiantar a hora do recoller obrigatorio.
Os casos activos minguan no seu ritmo de aumento, 326 na última xornada.
A CIG-Saúde vén de presentar unha denuncia ante a Inspección de Traballo para que requira á Xerencia da área sanitaria de Compostela-Barbanza o cumprimento da normativa de prevención. O sindicato pide a paralización inmediata na UCI de persoas adultas do CHUS “mentres non se garanta a seguridade de profesionais e doentes”.
“Non hai palabras para describir o grao de precariedade da UCI do Hospital Clínico de Santiago”, exclaman pacientes do CHUS: unha máscara por quenda para o persoal, fonendoscopios reparados con esparadrapo e butacas para o descanso do persoal sanitario rotas. A isto engaden que o persoal está sometido a unha gran "presión laboral” por parte da Xerencia.
