Premio Lueiro Rey

Gisela Mato (Xenebra, Suíza, 1978), escritora e psicóloga, vén de ser galardoada co Premio Manuel Lueiro Rey de Poesía, convocado polo Concello de Fornelos de Montes (comarca de Vigo), pola súa obra 'Habitar as fendas', onde reflexiona sobre a vulnerabilidade e o sufrimento na experiencia humana.

O xurado destacou a capacidade do texto gañador para interpelar o público lector "abismándoo no océano da violencia, tanto física como xenérica, que remove e incomoda, pero que se supera pola forza resiliente do amor".

A autora, colaboradora habitual de 'Nós Diario', ten recibido numerosas distincións pola súa obra.

O poeta, profesor e columnista Ismael Ramos fíxose co Premio de Xornalismo Lueiro Rey pola elección unánime do xurado, formado por Ramón Nicolás, Carme Vidal, Ramón Rozas e Carmen Carreiro.