Das 3.500 persoas que respaldaron o Manifesto fundacional da Marea só 146 participaron na votación das novas normas de funcionamento interno. 80 por cento respaldaron o documento oficial en que se di adeus ás listaxes abertas e desbloqueadas.
Na Coruña, despois de 30 anos de administración privada do transporte público de viaxeiros, abriuse unha oportunidade (hai agora un ano) de recuperar o servizo para a xestión directa do concello. A Compañía de Tranvías, centos de miles de euros de beneficios cada ano, resístese a que se dea por finalizada a concesión, e a Marea Atlántica esquece no caixón a súa listaxe de compromisos urxentes (este era un deles). O BNG teima e di que non faltarían cartos, que o que falta é vontade. Díaz Grandío, o concelleiro responsábel, cala.
Finalmente A Rede -a asemblea local da Marea Atlántica- levanta o veto a Mar Barcón, o referente do vazquismo no grupo municipal socialista. Por volta de 100 militantes decidiron esta terza feira dar luz verde a Ferreiro para que negocie co PSdeG e evite ir a unha cuestión de confianza.
A concelleira Mar Barcón aparece sinalada por Marea Atlántica como o principal atranco para chegar a un acordo co PSdeG arredor dos orzamentos. José Manuel Sande, portavoz do goberno local neste asunto, apelou á "mochila histórica" da edil socialista, en alusión ao seu pasado vazquista e ao seu paso polo consello de administración de Novacaixagalicia.
A Marea ensaia a xeometría variábel para tirar adiante modificativos de crédito. O de maior envergadura -un pagamento de 1,2 millóns de euros á Compañía de Tranvías- pactouno co PP a cambio de levantar o veto a un proxecto da época de Carlos Negreira. BNG votou en contra.
O Executivo de Ferreiro só dispón de 10 dos 27 escanos do Pazo de María Pita, unha situación de debilidade que se viu referendada esta cuarta feira no debate das ordenanzas fiscais. O PSOE pide entrar no goberno, mais mentres tanto presiona cunha alianza táctica co PP.
O alcalde da Coruña, nunha entrevista en Ser Galicia, afirma que non concibe un escenario con “En Marea por un lado e Podemos para outro” e di que a dirección estatal do partido podemita “comprende o que estamos a facer en Galiza”.
![[Imaxe: Concello da Coruña] Xulio Ferreiro](/asset/zoomcrop,480,270,center,center/media/nosdiario/images/2015/09/26/2015092614254673254.jpg)
O alcalde da Coruña e líder da Marea Atlántica, Xulio Ferreiro, relativiza a importancia da escolla do candidato ou candidata á Presidencia da Xunta por parte da marea.
