internacional

A erupción do volcán chileno continúa tras unha semana de fortes protestas. A suba na tarifa do sistema público de transporte foi a isca que fixo prender as manifestacións e poñer contra as cordas o presidente Santiago Piñera, que a semana pasada decretou o estado de excepción e sacou o Exército ás rúas, mais o descontento na sociedade víñase acumulando de anos atrás. Falamos con Omar Contreras, exiliado na Galiza da ditadura chilena tras pasar polo cárcere, para debullar as claves do que está a acontecer nun país que se deu en coñecer como “a Suíza de América Latina”.

O Global Times, tabloide centrado en temas internacionais que pertence ao Diario do Pobo (periódico oficial do Partido Comunista de China), respondeu cun vídeo no Twitter no que cuestiona a “dobre vara de medir de Occidente cara á violencia e os disturbios” nun e noutro lugar.

Canda as centrais ELA e LAB, fan o chamamento ao paro -previsto para a segunda quincena de xaneiro- as asociacións de pensionistas e o resto de axentes sociais que conforman a Carta de Dereitos Sociais. O obxectivo, protestar contra “a precariedade” e reclamar “un traballo, pensións e vida digna”.

De entrada foron 27 nomes, 22 galegos, tres asturianos e dous dos que non consta información. Son as persoas desaparecidas polas que a Federación de Asociacións Galegas da República Arxentina (Fagra) se personou nas causas de lesa humanidade contra a ditadura arxentina.

A Organización dos Estados Americanos respondeu afirmativamente á solicitude realizada pola Administración boliviana ante as protestas da oposición pola paralización do reconto, que apuntaba unha segunda volta. Con todo, a organización panamericanista comprometeuse sempre e cando as súas conclusións sexan vinculantes. Evo Morales, que revalidaría o seu cargo tras a última actualización dos datos, denuncia que no país “está en marcha un golpe de Estado”.

O Partido Socialista Navarro vota canda Navarra Suma para rexeitar unha moción solicitando o recurso á decisión do Tribunal Superior de Xustiza de Nafarroa, que anula os artigos referentes á valoración do coñecemento da lingua vasca como mérito para acceder ao emprego público.

JxCat, ERC e a CUP pactan unha proposta de resolución na Cámara que fai caso omiso das advertencias do Tribunal Constitucional, onde se reitera a defensa do dereito a decidir, a reprobación da monarquía e a reivindicación da soberanía do pobo catalán.

Segundo os resultados provisionais, o Bloque Quebequés conseguiría o mellor resultado electoral da última década ao pasar de 10 a 32 cadeiras. O seu líder, Yves-François Blanchet, pediu esta segunda feira, 21 de outubro, “a liberación dos presos políticos cataláns”. O Partido Liberal, do actual primeiro ministro, Justin Trudeau, proclamaríase vencedor mais non chegaría á maioría absoluta.

Inés Ollero tiña 21 años cando desapareceu. Era militante da Federación Xuvenil Comunista da Arxentina e o 19 de xullo de 1977 non regresou á casa. Testemuños de ex detidas situárona por última vez nas dependencias sinistras da Escola de Mecánica da Armada (ESMA). Orixinaria de Allariz, é unha das 27 galegas por cuxa desaparición durante a ditadura se querelou a Federación de Asociacións Galegas da República Arxentina.

Con case 85% do voto escrutado das eleccións presidenciais en Bolivia, o líder do Movemento ao Socialismo (MAS), aínda gañando, non chegaría á maioría absoluta (45,28%) nin obtería dez puntos máis co segundo, Carlos Mesa, do Comunidade Cidadá (38,16%). Os votos ao integrista cristián Chi Yung Chung do Partido Demócrata Cristián, terceiro con 8,77% dos votos, poderían ser decisivos na segunda volta, o 15 de decembro.

O IGADI presentará esta vindeira cuarta feira, 23 de outubro, en Compostela o proxecto 'O Xacobeo 2021 e a Ruta da Seda: camiños para o diálogo Oriente-Occidente' co que procura facer unha diagnose da situación actual das ligazóns sino-galaicas alén das turísticas. Falamos co seu director, Daniel González Pau, que nos explica algunhas das súas claves.

A tregua de cinco días en Roiava (Kurdistán sirio) -aceptada polas Forzas da Siria Democrática- foi anunciada esta pasada quinta feira, 17 de outubro, polos Gobernos de Turquía e dos EUA.

'La solution à la crise catalane passe par le dialogue, la démocratie et l’autodétermination' é o título da tribuna publicada polo rotativo francés nesta quinta feira, véspera da folga xeral prevista en Catalunya para esta sexta. As sete asinantes piden que se poña en marcha un “diálogo real” coa axuda de “terceiros países”.

A canle británica de TV 'Channel 4' emite unha entrevista cun encapuchado identificado como portavoz do grupo armado irlandés, advertindo de que atacarán calquera infraestrutura británica que se estabeleza na illa, en referencia aos controis entre Irlanda do Norte e o resto de Irlanda que contempla o 'Brexit' para dentro de catro anos.

Esta quinta feira comeza o proceso xudicial contra Bruno Dey, de 93 anos, acusado de ser conxuntamente responsábel da morte de 5.230 prisioneiras e prisioneiros en Stutthof. Podería ser a derradeiro causa penal contra un responsábel do Holocausto.

A Comisión Europea pide o apoio ao acordo dos líderes dos Estados da UE. O apoio do partido unionista norteirlandés do DUP é necesario para que o pacto saia adiante no Parlamento británico.

Representantes do SNP e do Plaid Cymru no Parlamento británico presentan unha moción na Cámara dos Comúns solicitando a aplicación do artigo 7 do Tratado da Unión, que implica a suspensión de certos dereitos a un Estado membro, a raíz da sentenza do Supremo no 'procès'.

As asinantes do Acordo de Noumeá darán a coñecer nas vindeiras dúas semanas o día exacto da consulta no arquipélago francés de ultramar, segundo informou o primeiro ministro galo, Edouard Philippe.

O movemento social de protesta contra a sentenza do Tribunal Supremo no xuízo ás e aos líderes do 'procès' fixo público un comunicado nesta cuarta feira, 16 de outubro, día en que o presidente do Goberno español, Pedro Sánchez, ten previsto reunirse con PP, Cidadáns e UP para analizar a situación actual.