Eleccións estatais 2019

A portavoz nacional do Bloque Nacionalista Galego, Ana Pontón, sinalou nun acto que congregou en Compostela un millar de cargos políticos, militantes e simpatizantes que o 10N é o momento de "transformar o cabreo en algo útil para Galiza", e pediu o voto "a todas as persoas que están fartas da frivolidade e dos egos madrileños".

Marta González Vázquez (Compostela, 1963), doutora en historia, responsábel da política de igualdade no último goberno Fraga e no primeiro goberno Feixoo, deputada en Cortes desde 2011, ex membro da Executiva estatal do PP con Pablo Casado, repite como cabeza de lista pola Coruña o 10-N nuns comicios nos que os populares galegos aspiran a recuperar a hexemonía no país e a cuarta acta pola Coruña.

“Temos vontade de camiñar xuntas porque xuntas somos máis fortes”, di Bieito Lobeira sobre a declaración conxunta de once partidos políticos das tres nacións na que reclaman a liberdade dos presos políticos cataláns e demandan o exercicio do dereito de autodeterminación. A Declaración da Llotja de Mar apela á comunidade internacional a posibilitar, apoiar e promover solucións para os distintos conflitos territoriais abertos no Estado español.

Olalla Rodil (Ribeira de Piquín, 1989) preséntase por terceira vez a unhas estatais como cabeza de lista do BNG ao Congreso pola circunscrición de Lugo. Deixará o seu escano no Parlamento galego se resulta elixida… e o seu despacho, o último que ocupou Beiras? “As urnas están baleiras. Igual para todas e todos. A nosa candidatura parte coas mesmas posibilidades que calquera outra. Por que non?”, comenta, e de inmediato sinala que o Bloque está en tendencia ascendente e que en Lugo participa do goberno do Concello e da Deputación.

O número un ao Congreso do BNG pola Coruña comparece en rolda de prensa diante da fachada marítima e insiste en que o Estado debe devolver á cidade os terreos do porto interior que vaian quedando sen uso e asumir todo o custe das obras do porto exterior, tal e como aconteceu no caso de Valencia.

Carolina Bescansa (Santiago de Compostela, 1971) regresa á area política. Catro anos despois de acadar un escano no Congreso na lista de Podemos por Madrid volve estar en campaña, esta vez da man de Más País-Equo. Cando o líder da coalición Íñigo Errejón, compañeiro fundador do partido morado xunto con Bescansa, anunciou que concorrerían pola Coruña e Pontevedra o apelido Bescansa circulou por medios e redes sociais. E o 4 de outubro confirmouse a súa candidatura. A socióloga e politóloga chega da Coruña, contesta ás preguntas de Sermos Galiza en Compostela e marcha dirección Ourense.

 

A líder nacionalista e Néstor Rego, o cabeza de lista pola Coruña, comparten un café-tertulia no campus de Compostela e comprometen sumar no Congreso para derrogar as contrarreformas laborais e facilitar o acceso á vivenda.

A portavoz parlamentaria de EH Bildu, Maddalen Iriarte, reclamou aos soberanistas vascos, cataláns e galegos que "fagan un camiño xuntos, entre todos". Así mesmo, denunciou que a sentenza de condena do Tribunal Supremo aos promotores do "proceso" mostra "a involución antidemocrática do Estado". 42.000 persoas manifestáronse este sábado en Donostia en apoio dos dereitos do pobo de Catalunya.

As cabezas de lista da formación pola Coruña, Antón Gómez-Reino, e Pontevedra, Yolanda Díaz, presentaron este sábado en Compostela un paquete de 850 medidas "para a maioría social do país", o programa co que Galicia En Común se presenta ás próximas eleccións xerais do 10 de novembro.

“Se temos a confianza dos e das galegas a partir do 10-N condicionaremos calquera apoio de investidura a que teñamos un prezo xusto da electricidade para salvar as nosas industrias electrointensivas e o emprego en Alcoa, e tamén a que teñamos unha tarifa eléctrica galega que permita a sociedade beneficiarse da riqueza deste país”, proclamou Ana Pontón esta sexta feira.

O cabeza de lista da candidatura do BNG ao Congreso advirte do "cabreo" e do "desencanto de moita xente" na presentación das listas pola circunscrición xunto a Ana Pontón, a portavoz nacional do Bloque, e deputadas e concelleiras nacionalistas.

As sondaxes publicadas nos últimos días demostran a fortaleza das formacións nacionalistas en Euskadi e en Catalunya. Na Galiza, rexistran a volta do BNG ao Congreso. As nacións sen Estado seguen a fechar as portas ao ultraespañolismo de Vox.

A segunda feira, día 30, ás 14 horas remata o prazo de presentación das coalicións que concorrerán ás eleccións estatais do 10 de novembro. Anova sinala que ten “as portas abertas” a un grande acordo “até o último minuto”.

O Consello Nacional do BNG aprobou na mañá do sábado as candidaturas e o programa electoral cos que a forza nacionalista busca recuperar a súa presenza no Congreso. Repiten á fronte da Coruña e de Pontevedra Néstor Rego e Carme da Silva e mudan Lugo e Ourense, onde se presentarán Olalla Rodil e Francisco García respectivamente.

O deputado Pancho Casal confirmou esta quinta feira os contactos de En Marea con Más Madrid, o partido de Íñigo Errejón, que está promovendo unha plataforma (Más País) en distintas circunscricións do Estado para concorrer ás eleccións xerais de novembro. Na Galiza, Más País presentarase, no mínimo, polas circunscricións da Coruña e Pontevedra.

O regreso do ex dirixente de Podemos á area política estatal coloca En Marea diante da tesitura de decidir se mantén a súa aposta nunha candidatura de forzas galegas para as xerais de novembro ou acorda con Más Madrid. Ana Pontón resume a visión do Bloque: “Menos Madrid e máis Galiza”.

O terceiro Congreso Nacional de Compromiso por Galicia (CxG) celebrouse este sábado en Compostela e acordou a continuidade de Juan Carlos Piñeiro como secretario nacional nun consello composto por corenta persoas. CxG, igual que En Marea, tamén piden unha candidatura "unitaria" cara ao 10N "das forzas con centro de decisión na Galiza". 

 

En Marea fará un chamamento a todas as forzas políticas e sociais galegas “para formar unha ampla alianza política galega, progresista e responsábel que facilite un goberno de esquerdas”.

Reparto de culpas, Sánchez leva máis. Algunhas das principais líderes políticas galegas comparten a indignación da cidadanía coa repetición das eleccións mentres se preparan para a inminente campaña.