Eleccións estatais 2019

O secretario xeral do PsdeG insta o presidente da Xunta, Alberto Núñez Feixoo, a “deixar de ser cómplice da dereita máis rancia de Casado, que non ten proxecto económico nin de Goberno”.

A formación liderada por Íñigo Errejón, que apenas se presenta en dúas das catro circunscricións galegas aos comicios ao Parlamento en Madrid, considera que desempeñará “un papel crucial” nestas eleccións, ás que acode con Carolina Bescansa, recentemente chegada á Galiza desde a política estatal, como cara máis visíbel.

No seu primeiro acto de campaña, nas inmediacións dos xulgados da capital, e acompañada por máis de 40 mulleres, a portavoz da formación nacionalista, Ana Pontón, reivindicou “a forza imparábel” das galegas, as que define como “feministas e loitadoras pola igualdade”.

Beatriz Pino (Vigo, 1975), xornalista, ex deputada en Cortes e membro da Executiva estatal de Ciudadanos, participa por segunda vez como cabeza de lista da súa formación por Pontevedra. Asegura que o partido, a nivel organizativo e en canto a base social, está máis forte que en abril cando sumou 63.827 votos na súa circunscrición. Por iso non teme as enquisas e arranca a campaña coa “confianza no traballo feito”.

Rubén Portas vive en Namibia e nas tres últimas convocatorias electorais a súa documentación nunca chegou a tempo. Púxose en contacto co BNG, que solicitou á Xunta Electoral Central medidas para garantir o dereito o sufraxio. Mais a aprobación do voto rogado e a dependencia dos servizos de correos doutros estados fan insuficientes as súas accións.

A primeira pegada da campaña electoral máis curta da democracia comeza na Galiza con ceos anubrados e mensaxes dunha esperanza cada vez máis negra, mentres en Catalunya a policía visita domicilios na súa propia campaña. Esta sexta, o día dos mortos, empezan os mitins coas enquisas encalladas desde hai semanas. Non se sabe que vai pasar. Como en Joker, a película que mellor retrata estes tempos. 

Francisco García (Allariz, 1957) foi a aposta do BNG para o 10-N pola circunscrición de Ourense. García, tras participar da revolta veciñal do 89 na súa vila natal e acompañar a Anxo Quintana no Goberno local, foi alcalde durante anos na vila na que naceu. En 2018 decidiu ceder o bastón de mando e hoxe concorre ás súas primeiras eleccións ao Congreso por unha circunscrición cuxas fortalezas coñece de primeira man.

A campaña electoral arranca na véspera do Día dos Defuntos. As forzas políticas teñen oito días para pedir o voto antes da cita coas urnas.

Pedro Sánchez empregou a Moncloa como escenario dunha entrevista televisiva en que realizou declaracións electoralistas. E a ministra portavoz do Goberno, Isabel Celaá caeu no mesmo desde a sala de prensa do Consello de Ministros ao explicar os datos da EPA. Ambos os dous mandatarios expóñense ás sancións da Xunta Electoral Central.

O secretario xeral do PP en Galiza, Miguel Tellado, celebrou esta cuarta o xiro cara á "moderación" na campaña do PP no plano estatal. Ao seu xeito de ver, a formación que encabeza Pablo Casado ten "a obriga de ser un partido moderado, de centro e reformista".

A portavoz nacional do BNG, Ana Pontón, e o cabeza de lista ao Congreso pola Coruña, Néstor Rego, subiron ao camión para desprazarse desde o polígono de Sabón en Arteixo até o polígono da Sionlla en Santiago, nunha viaxe que reivindica a transferencia da AP-9 como primeiro paso para acabar coa estafa das peaxes.

Nun almorzo informativo celebrado en Santiago, as cabezas de lista á Cámara alta da coalición de Galicia En Común alertaron de que un Goberno no que o Partido Socialista non conte con Unidas Podemos sería un executivo "virado á dereita" e cun Pedro Sánchez susanizado, en referencia á ex presidenta andaluza Susana Díaz.

Antón Gómez-Reino Varela (A Coruña, 1980) é o secretario xeral de Podemos Galicia e preséntase por cuarta vez como cabeza de lista pola Coruña. Galicia En Común cre ter o escano de Gómez-Reino ben consolidado e non lle preocupa a competencia de Carolina Bescansa nin onde vaian parar os apoios de quen foron ou son os socios parlamentarios de Podemos que non concorren ás eleccións. O candidato avanza unha campaña intensa, coa presencia de Xabier Domènech o sábado en Compostela e de Pablo Iglesias o domingo na Coruña.

O plan de cobertura da CRTVG para as eleccións estatais sitúa o debate electoral no informativo matinal o 8 de novembro a partir das 10.00 horas, cunha reposición na segunda canle do ente público, de menor audiencia que a principal. BNG e Galicia en Común anunciaron que recorrerán ante a Xunta electoral provincial o plan de cobertura informativa

A macro enquisa (17.650 entrevistas persoais en todo o Estado) dá opcións ás nacionalistas de atinxir representación. O PSOE gañaría os comicios no Estado (até 150 deputadas e deputados) e tamén na Galiza (25,8%), onde superaría o PP (18,4%).

O candidato de Ourense, David Bruzos, e a candidata e voceira de Galicia en Común no Congreso, Yolanda Díaz, mantiveron esta segunda feira unha xuntanza con representantes das traballadoras do sector téxtil en Ourense, onde se atopaban con traballadoras de firmas como Adolfo Domínguez, Téxtil Lonia, Aspol ou Autoneum, entre outras.

A portavoz nacional, Ana Pontón, a candidata por Pontevedra, Carme da Silva, e o alcalde, Miguel Anxo Fernández Lores, mantiveron en Pontevedra un encontro cunha ampla representación de empresas galegas de diferentes sectores produtivos.

Na terza feira 29 de outubro ás 20 horas terá lugar na Agra do Orzán un debate con representación do BNG, PP e PSOE, destinado a toda a veciñanza.

O presidente do Goberno en funcións e candidato socialista á reelección mostrouse convencido, nun mitin celebrado no polideportivo San Francisco Xavier, de que o PSOE “gañará de novo”.