Karma Peiró, directora de Nació Digital: “A xente quere contrastar máis”
Conversamos con Karma Peiró, directora de Nació Digital, hai uns días, apenas comezada a campaña. Non foi unha entrevista en clave de agoirar cómo ían transcorrer estas semanas, mais adiantou feitos que xa se estaban a producir e que este tempo electoral non fixo máis que confirmar.
Junqueras aspira a ser investido presidente da Generalitat aínda que deba voltar á prisión
Lembra que está na cadea só de forma preventiva e que non hai nengunha razón xurídica para que se manteñan as medidas cautelares que lle poderían impedir asistir á sesión de investidura. Alega que até 150 catedráticos e profesores de direito penal español avalan que a súa estancia en prisión non anula o seu direito á participación política.
ERC e JxCat aumentan apoios, mentres Cs cae lixeiramente
A lei española prohíbe a publicación de inquéritos nas vésperas do día das votacións. Mais a lei española non vigora nen en Andorra -onde El Periódico publica as sondaxes do tramo final de campaña desde 2008- nen en Escocia. The National -o rotativo independentista escocés- publica agora os inquéritos que veu difundindo até o momento en Catalunya ElNacional.Cat. O último tracking aponta leves alteracións nas distintas forzas, mais as tendencias de fundo non varían. Cs continúa en cabeza e a maioría absoluta indepe é posíbel.
Con boa letra
Roger Torrent ten boa letra. Hai moitos xeitos de dicir grazas, pero cando alguén ten que recorrer a este tipo de xiros logo de recibir unha carta é, ou ben porque quere ser irónica ou ben porque emocionalmente está moi tocada. Tamén é certo que, simplemente, pode estar sorprendida, polo tópico de que a caligrafía dos tíos tende a ser máis ilexíbel que a das tías ☺ Mais se quen fala é Dolors Bassa, após un mes de ter saído da cadea, é obvio que é o corazón quen dicta as palabras.
ERC gañaría as eleccións do 21-D pero sen garantías de maioría independentista
En segundo lugar estaría Ciudadanos, con 27-28 deputadas e deputados; seguida de Junts per Catalunya, con 25-26; e do PSC, con 23-24. Lonxe estarían Catalunya en Comú Podem con 9-10; CUP, con 7-8 e PP con 6-7 escanos.
Unha de Hitchcock
Non é das súas películas máis coñecidas nin recoñecidas, pero si conseguiu instalar na cotidianeidade tanto un tipo de chaqueta como un síndrome psicolóxico: o síndrome de Rebecca. A patoloxía, realmente, ten a ver cos ciúmes, o que obviamente non é o caso, tratándose de Puigdemont. A adaptación da película á campaña do PdeCat vén da súa constante e até inquietante presenza no relato electoral malia o seu exilio en Bruxelas.
A candidatura de Puigdemont, á beira do empate técnico con Cs e ERC
Non está fisicamente no Principat, mais é indiscutibelmente o grande protagonista da campaña. Carles Puigdemont continúa a marcar o combate eleitoral a xa menos dunha semana da votación do 21-D. Segundo a quinta toma do tracking eleitoral de ElNacional.Cat, Junts per Catalunya estaría abeirando o empate técnico con Cs e ERC, primeiro e segundo clasificados nesta sondaxe. O bloco independentista afortala as súas opcións de reter a maioría absoluta.
Tránsfugas e ex presidiarios
E con el chegou o escándalo. Chámase Albano Dante Fachín e aínda que o do artigo 155 non é para bromear, podería dicirse que el tamén foi vítima da súa aplicación, en versión regulamento interno, en rexistro Podemos. A súa irrupción en campaña era un segredo a voces. Comezou esta terza feira nun acto de ERC e continuará do lado da CUP. Xa non pertence á formación morada, pero haberá quen vexa nel todo un tránsfuga. Pero que mellor para acabar de completar a excepcionalidade destas eleccións?
Cs desfai o empate técnico e pon en risco a maioría soberanista
Más novas para o soberanismo na IV toma do tracking eleitoral de ElNacional.Cat: Ciudadanos destácase en solitario en cabeza por vez primeira, con 2,7 por cento de voto de vantaxe sobre unha ERC que se vai desfondando e que cada vez ten máis perto a candidatura de Puigdemont. Neste momento, a maioría absoluta estaría no arame para o independentismo.
O TS pon agora en Marta Rovira e Anna Gabriel o foco da investigación contra o soberanismo
Non é suficiente con ter Junqueras en prisión e Puigdemont no exilio. O Supremo estende agora a súa investigación contra o soberanismo catalán por ter realizado a DUI. No albo están Marta Rovira -sinalada por Junqueras como hipotética presidenta da Generalitat- e a portavoz da CUP, Anna Gabriel, que desta volta non é candidata.
Cifras e letras
Voto útil como voto lixo. Así de crecido andou Albert Rivera esta fin de semana, animado por uns supostos resultados que, cando menos, lle dan un número de votos cos que poder presumir de vitoria. Albiol, que nunca defrauda, visitou San Sadurní d’Anoia e comparou os efectos do 155 coas virtudes do cava. Echenique tirou de “tic electoral” e arremeteu contra ERC plantexando o tópico -de mal gusto dadas as circunstancias- de cal é o seu programa e quen é o seu candidato. E Ada Colau “contraprogramou” Domènech desviando a atención cara unha revelación persoal tan loábel como fóra de contexto, a da súa bisexualidade.
O efeito Bruxelas dispara as expectativas do soberanismo até consolidar a maioría absoluta
Un antes e un despois. Iso é o que marcaría a masiva manifestación independentista de Bruxelas. E iso é o que se tira da terceira mostra do tracking de ElNacional.Cat: o soberanismo tería neste momento un chan de 69 escanos, 1 por cima da maioría absoluta.
Contar a feira como che vai nela. Debates e desembarcos
Albiol leva razón. O mesmo é cousa da idade, xa que onte mesmo celebraba os seus 50 anos na primeira visita de Rajoy en rexistro mitinero. O caso é que no comezo dos debates televisivos de campaña (TVE-24 Horas) dixo algo ben sensato, que hai que falar coa xente: cos taxistas, cos directores dos hoteis e cos propietarios dos restaurantes. Iso si, baixou ao rexistro “cidadá”, ao “ti a ti” cando a exposición dos datos macroeconómicos por parte do candidato de ERC Roger Torrent desmentiron a “Cataluña desolada e dantesca na que vive instalado” e na que pretenden fiquemos instalados todos e todas os que non vivimos en primeira persoa o procés.
O bloco independentista avantaxa en 4 pontos ao constitucionalista mais non ten garantida a maioría
Se a batalla é superar o limiar dos 68 escanos -o que marca a maioría absoluta- a carreira do 21-D vaise decidir na photo finish. A última mostra do tracking eleitoral de ElNacional.Cat mostra como o independentismo supera o constitucionalismo en por volta de 4 pontos, mais o bloco soberanista ten a hexemonía no Parlament en perigo.
´No passa res': ir, ver… e contar?
Concho, pois non teño nada de jet lag. Almorcei e ninguén berraba e, polo que levo percorrido de cidade, o nadal imponse claramente a esa “Cataluña que está que arde”, en palabras do propio taxista que me levou a coller o vóo en Santiago case de madrugada. Conste que pouco o nada lle interesou o suposto conflicto por estes lares, cadrou porque me preguntou se a viaxe era por traballo ou por pracer, mais unha vez que lle recoñecín que fifty-fifty amosou máis interese polo mini tamaño da miña maleta para tantos días que pola suposta “dimensión inconmensurábel” do que debera ser o duelo definitivo entre soberanistas e constitucionalistas.
Máis de 45.000 cataláns piden en Bruxelas a implicación da UE no conflito catalán
A afluencia masiva obrigou as autoridades locais a cambiar o “punto de inicio” da mobilización “Wake Up Europe”.
O TS retira a euroorde de detención contra Puigdemont e os 4 consellers
Inesperada xiradela de guión. O xuíz do Tribunal Supremo acaba de retirar a orde de detención europea contra o president da Generalitat e os 4 consellers no exilio. Faino un día despois de manter en prisión incondicional Junqueras, Forn e os Jordis. No escrito de retirada da euroorde, o xuíz deixa entrever a hipótese de que o Estado belga tivese dito 'non' a petición española de entrega de Puigdemont e os seus compañeiros de gabinete.