consellaría

O Comité de Empresa afirma que "Beatriz Mato é a responsábel do primeiro despido masivo que vai levarse adiante na Xunta, e supón unha regulación de emprego encuberta, mostra da incapacidade da conselleira de Traballo e Benestar para xestionar o seu departamento"

Eliminación de 251 postos só na Consellería de Traballo. Son as consecuencias do primeiro ERE que o goberno autonómico vai aplicar na súa propia administración. Publicamos no interior a relación de postos de traballo a amortizar.

Rocío Mosquera e boa parte da súa equipa asistiron ao acto de presentación da Asociación de hospitais privados de Galiza. Xa lle reclamaron ''convenios estábeis'' co Sergas para reducir as listas e os tempos de agarda. Estes últimos soben até os 80 días se se toman en conta no cálculo os seis meses que carrexa xustamente a empresa sanitaria Povisa

Denuncian que o curso vindeiro comezará con menos profesorado, con máis masificación das aulas e unha calidade do ensino máis mermada. Anuncian novas mobilizacións se non hai rectificación por parte da Xunta.

A superficie e o número de camas e cuartos non son os únicos datos que se ven mermados no proxecto de execución do Hospital de Vigo. Desaparecen tamén 8 quirófanos e 3 paritorios. No centro de dia baixan 94,12% o número de camas mentres se incrementan os sillóns 56,10%. En diálise a diminución sería dun 41,67%. Un 18, 79% das consultas desaparecen, é dicir, un total de 53 espazos destinados a servizos ambulatorios.

 

Culpa as 50 persoas que se fecharon na biblioteca de Ourense dos ''estragos'' e advirte de que ''non permitirá que queden impunes''. Na rúa, centos de voces responden á actuación policial: 'Rebelión, desobediencia, contra a súa violencia'

A Xunta de Persoal acusa a administración “de burlar os principios de igualdade, mérito e capacidade contemplados na normativa que regula os procesos de provisión de postos"

A Federación Rural Galega (Fruga) exixiu esta terza feira á Consellaría do Medio Rural a posta en marcha da Mesa de Interlocución Láctea da Galiza ante a chegada dos novos contratos de compra ás explotacións leiteiras galegas como consecuencia das renovacións do mes de abril, os cales implican "unha baixa que varia entre dous e catro céntimos por litro dependendo da empresa". "Estamos ante unha baixada que en ningún caso é xustificada, e que vai supor dificultades para moitas gandarías galegas, especialmente para as explotacións máis intensivas, tendo en conta que calquera baixada no prezo do leite nestas granxas supón unha importante mingua dos ingresos", explicou a Fruga. "Esta baixada dos prezos non se leva adiante en base ás variacións que se poden dar nos custos de produción, senón que deriva principalmente de cuestións de mercado", sinalou o sindicato. "As variacións nos prezos, neste caso cara abaixo, responden única e exclusivamente aos intereses das propias industrias e a operacións especulativas no mercado mundial cos derivados lácteos", engadiu a organización. Por isto, a Fruga quixo deixar patente "a indefensión que padecemos os gandeiros e as gandeiras galegas" e que as Administracións "miran para outro lado".