O BNG pide a dimisión do alcalde de Baralla e esíxelle ao PP que condene o franquismo. A través do vicepresidente Antonio Veiga, pedirá na Deputación de Lugo que se reproben as declaracións de González Capón e reclama que Núñez Feijóo se posicione sobre a súa apoloxía á represión. A Iniciativa Galega pola Memoria demanda a súa dimisión.
No último pleno de Baralla, o alcalde Manuel González Capón (PP) xustificou a represión franquista argumentando que as vítimas eran porque "o merecían". Respondía no debate ao voceiro do BNG, Xosé Manuel Becerra Pardo con quen mantivo un forte enfrontamento que o nacionalista esixiu que constase en acta. O alcalde chegou a comparar o rexime de Franco co dos Estados Unidos xa que, segundo el, a pena de morte se executa despois dun xuízo.
O popular Manuel González Capón deitou esta afirmación no último pleno municipal, cando exixía á oposición que condenase o “terrorismo de Resistencia Galega”
O 14 de setembro de 2014 perfílase como data máis acaída para a realización da consulta pola independencia en Catalunya, día sinalado por dirixentes de Esquerra.
