artesanía

O novo regulamento da concellaría de Mobilidade e Festas de Compostela, relativo á realización de actividades artísticas na vía pública concitou nas últimas semanas diversas manifestacións en contra, tanto desde os grupos da oposición como desde os colectivos de artistas e artesáns de rúa. 

Desde o lugar de Piñeiros, na parroquia de Castroncelos da Pobra do Brollón, Mónica aproveita a natureza para facer xoias. Das árbores da contorna, das pedras e doutros elementos xorden pequenas obras de arte realizadas coa mesma paixón que dedica, tamén, á restauración de móbeis antigos. Como marca emprega, en homenaxe á súa avoa paterna, o nome "A neta da Tula".  

Do 6 ao 11 de abril decorrerán os Días Europeos da Artesanía, uns eventos aos que se unen o Centro de Artesanía e Deseño (Centrad) e a Real Academia de Belas Artes, que organiza unha charla para esta terza feira.

O calzado é unha das pezas máis importantes da vestimenta. Ademais da estética importa a saúde, e diso sabe moito Xosé Ramón Laia, que leva 35 anos facendo zapatos de maneira artesanal desde o centro de Melide. Os seus modelos son moi apreciados e agora mesmo saben deles en países tan distantes como Australia, Canadá ou Alemaña. O seu obradoiro, situado no camiño de Santiago, forma parte da ruta turística municipal como un dos poucos lugares que manteñen a tradición deste antigo oficio.

Puro deseño galego e en galego. Eladino Cabanelas leva desde 2012 achegando propostas orixinais e prácticas a través da loxa en liña, e agora tamén física no Carballiño, de OzocoGZ. Camisolas, xogos de mesa e brinquedos son a súa especialidade mais tamén conta con produtos de artesanía galega.Ademais difunde o emprego da nosa lingua nun concurso de micro-relatos que xa vai pola 9º edición e que este ano dedica como tema ao tempo. 

Elena Ferro (Merza, Vila de Cruces, 1975) é artesá. Baixo a marca Eferro relanzou o mundo dos zocos, mudou o seu uso tradicional e adaptouno ás necesidades e tendencias máis actuais. Esta aposta clara e decidida por amalgamar tradición e innovación valeulle diferentes recoñecementos ao longo da súa xa dilatada carreira. Agora acaba de ser galardoada pola súa traxectoria co Premio Nacional de Artesanía 2019 que outorga o Ministerio de Industria, Comercio e Turismo ao conxunto dunha obra consolidada. 

Rocío Barral, xunto coa a irmá Belén, mudaron da gran cidade ao interior do rural. O cambio trouxo consigo a creación dun fermoso proxecto artesanal que, desde Guitiriz, revive a maxia que tiñan as bonecas e bonecos de antes. Conseguiron actualizar as figuras con personaxes da literatura universal ou do cine mais sempre mantendo a singularidade de dar vida a xoguetes únicos. O seu éxito xa pasou polas máis importantes feiras de artesanía do país. A súa última proposta personaliza as pezas que comercializan coa imaxe da propia clientela.  

Pilar Ceneri e Noela Hermida elaboran roupa "xeitosa feita á man con conciencia ecofeminista" baixo a marca Muchachicha. Trátase dun proxecto innovador a nivel galego que conxuga artesanía téxtil e moda co ecoloxismo e co feminismo como bandeiras. Desde a filosofía do 'body positive', estas artesás danlle unha volta á roupa interior con deseños que apostan pola liberdade, en todos os sentidos

Tradicionalmente, o verán é o período de maior actividade para a venda dos produtos artesáns galegos. Este ano, a Covid-19 causou tamén neste sector unha crise, derivada da baixa cifra de feiras realizadas e da menor afluencia de público e artesáns.

Elena Ferro e Idoia Cuesta conversan sobre o sector, para o que consideran fundamental unha web de venda online de Artesanía de Galicia.

Cando realizou as primeiras encargas de boinas non se imaxinaba a artesá Sandra Vilas, impulsora de Boina Galega, que se ía tornar na renovadora deste complemento tradicional galego. Unha prenda de moda coa que darlle o toque diferente aos looks, desde cerimonias até outfits máis informais, feita con materiais de alta calidade, de forma sostíbel e cunha forte aposta polo deseño. 
 

A cestería é toda unha arte, unha tradición moi arraigada na Galiza que forma parte da artesanía galega xunto a outros oficios tradicionais

Os zocos e a artesanía galega están de moda, reinventar as raíces con novos deseños e cánones máis actuais é sinónimo de éxito

A muller sempre foi protagonista no rural galego. Lidera boa parte das iniciativas emprendedoras que nel se realizan e teñen un papel fundamental no mundo da artesanía, un dos sectores que pode fixar poboación a través da creación de emprego en zonas afastadas. Emprendedoras galegas explican en Compostela a súa experiencia como artesás.

Coa chegada do verán obsérvase a proliferación de feiras de artesanía, de maior ou menor escala. Coñecemos de primeira man a relevancia que estes eventos seguen supoñendo para as artesás, así como a aparición de novos modelos de venda directa que reinventan a relación coa clientela e a percepción do produto.

A reprodución da gaita de fol dunha Cantiga de Santa María de Pablo Carpintero na categoría de tradicional e unha peza de xoiería de Lidia Nieves en contemporánea son as gañadoras do XI Certame de Artesanía Antonio Fraguas da área de Cultura da Deputación da Coruña.