Tenso enfrontamento o protagonizado esta cuarta feira en directo pola deputada do PP Ana Vázquez e a directora corporativa do xornal Público, Ana Pardo de Vera. Sucedeu na emisión en directo do programa 'Todo es mentira', de Cuatro, dirixido por Risto Mejide. A xornalista fixo alusión aos 114.000 euros que, segundo desvelou infoLibre, deu en axudas a Xunta de Alberto Núñez Feixoo a Sargadelos cando traballaba alí a súa muller, Eva Cárdenas, así como aos contratos adxudicados ao Grupo Eulen, do que é directiva a irmá do ex presidente galego, Micaela Núñez.
Foi nese mesmo momento cando, en plena intervención, a parlamentaria natural de Bande interrumpiu para aludir á irmá de Pardo de Vera, Isabel, ex presidenta de Adif. "Ana, que ti te poñas a falar agora dos irmáns, que acaba de ir declarar a túa irmá...", dixo Ana Vázquez, facendo referencia a que acudiu aos xulgados... mais en calidade de testemuña, e non como imputada, no marco do 'caso Koldo'.
🚨¡Totalmente inaceptable!👇🏻
— Nenedenadie (@nenedenadie) March 20, 2024
⭕️En @todoesmentiratv, durante la intervención de @pardodevera, Ana Pardo de Verá, para ofrecer información oficial sobre la pareja de @NunezFeijoo, contradiciendo el comunicado de quien fue su empleador, y mencionar datos publicados por @publico_es… pic.twitter.com/ifDMZE6eD7
E precisamente isto foi o que tentou aclarar a xornalista acto seguido: "Iso é xogo sucio, e sábelo. A miña irmá foi declarar como testemuña porque era presidenta de Adif". E ante a insistencia e constantes interrupcións da deputada, replicoulle: "Non te atrevas, Ana, a mencionar á miña irmá e tratar de mesturala nestes temas".
Mais Vázquez proseguiu: "Que estás a dicir da empresa da familia de Feixoo? Que estás a dicir da irmá? Que é moi frutífera, como a de Ayuso? Entón agora queres que diga que fixo a túa irmá, que foi declarar polo das máscaras e ela mesma recoñeceu que non as comprou? Home, por favor, sexamos sensatos".
Unhas acusacións que Pardo de Vera considerou "moi graves" e que, con todo, non detivo Risto Mejide no papel que se lle presupón como condutor e moderador dos debates. "Non te atrevas a dicir que a miña irmá fixo algo ilegal. Non te atrevas, encima de como a trataron...".
E após chamárense mutuamente "indecente", a xornalista concluíu: "Chámaa corrupta [á irmá], venga, chámaa. Que che poño unha denuncia en cero coma". "Vós tapades a corrupción, reprochou de volta Vázquez. Finalmente, porén, a deputada do PP acabou pedindo desculpas.
Puesto que el rifirrafe entre ANA VÁZQUEZ y ANA PARDO DE VERA se ha hecho bola y algunos fascistillas ridículos lo están usando para alabar la actitud de la política del PP, sólo decir que luego ha pedido perdón demostrando más honestidad que estos juntaletras apesebrados pic.twitter.com/7xHfQxIDTj
— GUILLERMO GUIJARRO (@remerikos) March 20, 2024