Alacoto.- Pau grande e basto que se leva na man.
Lugar de escoita.- Sabucedo (A Estrada) e terras de Forcarei.
Fonte.- Manuel Cabada Castro.
Aveacas.- (Ademais de significados xa rexistrados) Son dúas pezas que forman parte do arado de pao, a carón do temón, cuxa función consiste en afastar a terra para os lados. Úsase no millo e sucando o centeo.
Lugar de escoita.- Canices, O Reino e todo o concello de Piñor de Cea (Ourense).
Fonte.- Antonio Moure Narón.
Carranca.-(Ademais de significados xa rexistrados). Aparello feito con paos unidos por táboas que se pon na parte dianteira do carro.
Lugar de escoita.- O Páramo (Lugo)
Fonte.- Suzana do Páramo.
Mourón.- Pao no que se asenta o carro.
Lugar de escoita.- O Páramo(Lugo).
Fonte.- Suzana do Páramo.
Seitoiro.- Rella metálica do arado romano de pau.
Lugar de escoita.- O Courel.
Fonte.- Dun vocabulario courelao.
Tarandeira.- (Ademais de significados xa rexistrados). Pau longo que se pon atravesado na entrada dun eido.
Lugar de escoita.- O Courel.
Fonte.- Dun vocabulario courelao.
Umeso.- Nome que recibe o arado de madeira.
Lugar de escoita.- Cerceda.
Fonte.- Rocío Calviño Montes./CPI O Cruce de Cerceda.