doca.- Sinónimo de lacazá/n, nugallá/n.
Exemplo.- “Non sexas doca.”
Lugar de escoita.- Xendive (Boborás)
Fonte.- Moncho Iglesias.
espalletar.- Falar mal de alguén.
Lugar de escoita.- A zona de Amoeiro (Ourense).
Fonte.- Carlos Manuel Gómez Bóveda.
lapadoiro/a.- Larchá/n, lerchá/n.
Exemplo.- "Cala, que es un lapadoiro.”
Lugar de escoita.- Cerceda.
Fonte.- Begoña Parafita Dubra./CPI O Cruce de Cerceda.
latumias.- Ruín, miserábel, avaro/a.
Exemplo: "A ese convidámolo sempre e el nunca convida; é un latumias.”
Lugar de escoita.- Lalín.
Fonte.- Ramiro Ferradás González.
retellar.- (Ademais de significados xa rexistrados/figurado) Falar moito e sen tino, latricar.
Exemplo.- "Cando empeza a retellar non hai quen o ature.”
Lugar de escoita.- Nigrán.
Fonte.- Albino Soto Figueroa.
tarrulán/á.- Túzaro/a.
Exemplo: “Es tarrulán como un porco.”
Lugar de escoita.- Ortigueira.
Fonte.- Vanessa Hermida Carballeira.
Outros apuntamentos.- Centro de Día de Abadín.
tulibeco/a.- Tolitates, toleirón/toleirona, atolado/a.
Lugar de escoita.- Burela (A Mariña luguesa).
Fonte.- Antonio Yáñez Casal.
