A idea de Martínez Ces procede da propia experiencia. Pai dun cativo, observou "que non existía ningunha axenda escolar en galego, só unha bilingüe editada por unha empresa catalá". Esta ferramente é agora moi solicitada polo profesorado. "Decidimos fabricar unha, e intentamos achegar algo máis". As conversas coa súa nai, de profesión mestra, axudáronlle a perfilar o proxecto.
Unha axenda "o máis laica posíbel", en que aparecen sinaladas datas como o Día da Paz ou o Día contra a violencia machista, e mensaxes de ánimo é o contraposto á fasquía habitual destes materiais. "Están ateigados de mensaxes negativas, páxinas para anotar que se portan mal nas aulas. Nós procuramos evitalas", engade.
Dirixida ao alumnado dentre 8 e 15 anos, a axenda escolar de IdeiaGráfica.net ten unha tiraxe de 300 exemplares.
Nota de corrección: a de IdeiaGrafica.net non é a única axenda en galego dispoñíbel no mercado.