O conselleiro de Educación recibe esta tarde representantes da CIG-Ensino e A Mesa pola Normalización Lingüística, xuntanza obtida após o feche e protesto de ambas as dúas entidades na Secretaría xeral de Política Lingüística o pasado 1 de febreiro.
A Mesa e CIG-Ensino transmitirán a Román Rodríguez a necesidade de derrogar o Decreto de plurilingüismo e iniciar o proceso dunha nova norma que facilite a plena normalización lingüística do galego no ensino. Lembran que a aplicación da Lomce, unida ao ‘decretazo’ deixa o galego no ensino nunha situación de marxinación e exclusión. No ensino secundario, por baixo do 15%.
