A deputada do BNG, Ana Pontón mantivo unha reunión cunha delegación da Mesa pola Normalización lingüística coa finalidade de valorar “trinta anos da aplicación da lei de Normalización Lingüística”, sinalan desde a fronte nacionalista-
Ana Pontón,informou que a proposición de lei do BNG concede á Xunta de Galiza un “rol director no cumprimento dos usos sociais e públicos da lingua galega que establece unha meta e un proceso con mecanismos de “avaliación periódica que observen o seu cumprimento e vixíen a súa eficacia”.
Paso adiante
Para a deputada nacionalista, esta Proposición de lei evidencia que “tres décadas de vixencia da lei de Normalización Lingüística aconsellan a súa revisión e actualización”. A modificación da lei, dixo, suporá un paso “relevante” no desenvolvemento do proceso normalizador “esquecido e vulnerado polo actual Goberno da Xunta de Galiza”.
