O golpe de estado no Perú

O pasado 7 de decembro publiquei un artigo titulado América Latina ante a decadencia imperial. Aí dicía que unha vez recolonizada Europa, onde a través das sancións a Rusia as empresas transnacionais estadounidenses substituíron ss empresas rusas, o imperialismo ten como prioridade recuperar os mercados de América Latina fronte á competencia chinesa. Por iso, no mesmo artigo, anunciaba unha nova escalada de golpes de estado e agresións imperiais en América Latina.

Un imperio en decadencia non pode recuperar mercados seguindo as regras de xogo do mercado porque non pode competir fronte a outras potencias económicas. Por iso teñen que acudir ao xogo sucio das sancións, golpes de estado, bloqueos económicos, guerras, etc. para desprazar a competencia. Ese mesmo día en que se publicaba o artigo, realizábase no Perú o primeiro golpe de estado da nova fase da escalada imperialista estadounidense para recuperar o mercado latinoamericano. 

Este golpe de estado contra o presidente Pedro Castillo foi planificado desde a embaixada estadounidense en Lima. Lisa Kenna, embaixadora norteamericana no Perú, é unha declarada axente da CIA cuxa misión desde o triunfo electoral de Castillo foi organizar o golpe de estado contra o goberno democraticamente electo. A embaixadora reuniuse co exército, a fiscal xeral da nación, Patricia Benavides, e a actual presidenta golpista, Dina Boluarte. As reunións organizáronse antes do golpe de estado e séguense organizando aínda despois do golpe. O novo presidente do Parlamento golpista é un militar. 

O pobo peruano en masa lanzouse ás rúas pedindo a liberdade de Castelo, o regreso do Presidente e a creación dunha Asemblea Constituínte

A oligarquía e o imperio, como sempre, aliáronse para desatar este golpe violento contra a democracia. A violencia desatada contra o pobo peruano xa ten moitísimos mortos e feridos de gravidade.

Os contratos coas mineiras

Detrás do golpe está o plan imperial de deter a promesa de Castillo de organizar unha Asemblea Constituínte que transforme radicalmente a Constitución neoliberal de Fujimori de 1993 e o plan de revisar os contratos neoliberais coas transnacionais mineiras cuxos termos vencen logo de tres décadas no ano 2023. 

Xa Castillo anunciara revisións profundas a eses contratos. Para deter o anuncio de Castillo e manter os actuais termos dos contratos favorábeis ás empresas transnacionais, o imperio, xunto á oligarquía, lanzouse a organizar un golpe de estado. Agora a renovación dos contratos farase baixo os termos dos golpistas favorábeis ás empresas transnacionais que operan no Perú.

O pobo peruano en masa lanzouse ás rúas pedindo 1) a liberdade de Castillo, 2) o regreso do presidente e 3) a creación dunha Asemblea Constituínte. Estas demandas están lanzadas desde o movemento popular contra os golpistas. O paro nacional interrompeuse durante o período do Nadal pero volve activarse despois do 7 de xaneiro. 
Até o de agora os imperios occidentais (Estados Unidos e Europa) apoiaron os golpistas aínda despois de consumados varios masacres onde asasinaron en masa decenas de cidadáns que protestaban pacificamente contra o golpe. Aquí vemos ao espido a hipocrisía dos imperios occidentais. 

Tanto falar de Dereitos Humanos e todos fan a vista gorda fronte ás atrocidades do réxime golpista contra o pobo peruano. A ferocidade represiva do golpe increméntase proporcionalmente ás mobilizacións populares antifascistas. 

Co golpe no Perú e o lawfare contra Cristina Fernández na Arxentina a mesma semana do golpe, iníciase un novo ciclo golpista proimperial na rexión. A complicidade da pseudoesquerda latinoamericana xa se deixou sentir encabezada polo apoio do presidente Gabriel Boric en Chile ao réxime golpista peruano. Apoiemos o pobo peruano na súa loita democrático-popular contra a ditadura militar pseudodemocrática da oligarquía peruana en alianza co imperio dos EUA.