Até sete plantas en proxecto: A febre do hidróxeno verde chega con forza á Galiza

Acumúlanse os proxectos para a produción de hidróxeno verde na Galiza. Atendendo aos deseños económicos da Comisión Europea e ás cuantiosas axudas públicas recollidas no programa Next Generation para o sector eléctrico, diversos grupos empresariais promoven a posta en marcha de sete plantas de xeración desta fonte enerxética. Malia que o impulso ao hidróxeno verde é unha tendencia común aos países do sur de Europea, no contexto dun novo marco eléctrico no espazo comunitario, a falla de información rexe sobre este tipo de iniciativas.