O Campionato da Galiza de Campo a través que terá lugar esta fin de semana en Pontevedra, conta xa con máis de 350 atletas coa inscrición realizada.
A xornada, organizado pola Federación Galega de Atletismo, Concello de Pontevedra e a Sociedad Gimnástica de Pontevedra, terá lugar no circuíto das Illas das Esculturas na cidade do Lérez.
Contará coas modalidades individual, clubs e relevos mixtos que xuntarán as categorías Sub16, Sub18, Sub20, Sub23 e absoluta.
Atletas de gran nivel
Unha das principais atraccións será poder presenciar en directo á plusmarquista galega dos 1.500 Obstáculos, 1.000 m. e 3.000 m., Xela Martínez quen parte como clara favorita para defender o título conseguido o ano pasado na Rúa.
Xunto ela estará tamén na defensa do seu título o gañador Sub16 do 2020 Iván Rego da Atlética Lucense.
Contará coas modalidades individual, clubs e relevos mixtos
No apartado de equipos terán un especial seguimento o Gimnástica de Pontevedra nos relevos mixtos e categoría absoluta masculina e o ADAS Proinor na absoluta feminina.
Tamén estarán en Pontevedra o Atletismo Narón na categoría Sub20 masculina; Real Club Celta e Atlética Lucense na Sub18 masculina e feminina; así como ao Ourense Atletismo en ambas categorías da Sub16, gañadores todos eles en A Rúa.