Talía Teatro

‘Unha inimiga do pobo’, de Talía Teatro, gaña sete dos nove galardóns aos que aspiraba: mellor espectáculo, dirección, adaptación-tradución, actriz protagonista, actor secundario, espazo escénico e iluminación.

Talía Teatro recolle todo o saber facer de Fo e transfórmao, mitigando a farsa e converténdoa nunha comedia disparatada que nin por un momento cede no afán de retratar iso que chamamos a realidade.

Un clásico do teatro político dun mestre da comedia como Darío Fo, Morte accidental dun anarquista, é unha obra comprometida e valente, mais Fo consegue transformar o seu discurso de denuncia  en acción cómica encaixada en moldes clásicos. Talía Teatro estrea a súa versión en Santiago esta  fin de semana. 

O mecanismo é o de non subliñar demasiado situacións que non precisan de énfase: o anecdotario sobre o uso do galego dá, de seu, para un manual de socioloxía. Mais na teatralización abonda coa credibilidade que os actores lle outorgan ás personaxes, coa sutil crítica que se agocha detrás dun pretendido retrato de costumes.

O Festival Internacional Outono de Teatro de Carballo (FIOT) presenta hoxe a estrea do último espectáculo de Talía Teatro, A parábola do angazo, na que a compañía volve a un dos seus temas predilectos: a lingua. Un espectáculo de pequeno formato que ía para monólogo mais que foi medrando para atopar interlocutor.