Sermos Galiza está en Catalunya para acompañar o desenvolvimento do 1-O. Falamos con Antón Sánchez (Anova), que está en Barcelona, participando canda outros representantes de diferentes organizacións internacionais no encontro en defensa dos dereitos civís e as liberdades.
Sermos Galiza está en Catalunya para acompañar o desenvolvimento do 1-O. Falamos con Rubén Cela (BNG), que está en Barcelona, participando canda outros representantes de diferentes organizacións internacionais no encontro en defensa dos dereitos civís e as liberdades.
A manifestación, convocada pola Plataforma Galiza con Catalunya, reuniu varios miles de persoas, que deixaron pequena a Praza de Praterías e rúas adxacentes. “Asistimos a un estado de excepción non declarado”, denunciaron os convocantes, que defenderon o dereito de autodeterminación.
Crónica desde Catalunya, tomando o pulso á situación na xornada previa ao referendo. Feche de campaña en Montjuïc, vixilias de veciñanza en colexios e institutos para garantir que o 1-O poidan ser colexios electorais e votar, mobilizacións do estudantado. Cóntannolo desde Barcelona, Antón F. Escuredo e Dani Candal.
Catalunya encara a recta final do seu procés soberanista. O domingo 1 de outubro as catalás e os cataláns están chamados ás urnas para participar nun referendo de autodeterminación. Do seu resultado poderá nacer, se así o determina a vontade democrática, a República catalá. Eis un extracto da información publicada no número 266 de Sermos Galiza.
Organizada por Galiza Nova, a iniciativa é un apoio ao pobo catalán ao tempo que unha denuncia da actitude “antidemocrática” do Estado español. En Ribeira o concello denegou o permiso para o acto.
A versión galega de L'Estaca en solidariedade co dereito a decidir de Catalunya xa está nas redes. Ducias de músicos e intépretes da escena emprestaron a súa voz e a súa imaxe a unha iniciativa implusada, a través das redes sociais, por Alonso Caxade.
Eladio dos Santos, Sonia Lebedynski, Jasper de Nao, Suso da Compañía do Ruído, Roi Fernández de The Homens e Grampoder, Roberto Sobrado, Xurxo Souto, Petetas de Tiro na Testa e Falperrys, Xan e Antón Papaqueixos, Pulpiño Viascón, Miguel Mosqueira de Ataque Escampe, O Leo i Arremecághona son algunhas das participantes no vídeo.
Canción e vídeo foron rexistrados nos estudios A Ponte de Santiago de Compostela, con Marcos Paino na produción dunha base instrumental formada por membros de Caxade e Ataque Escampe, entre outros. O vídeo foi producido por GZMúsica.
Arnau Comas é concelleiro da Candidatura D'Unitat Popular (CUP) en Sant Esteve de Palautordera. Estes días estivo na Galiza para participar no Foro Internacionalista organizado pola UPG, con senllas palestras en Vigo e Compostela. Militante de Poble Lliure (organización integrada na CUP), falamos con el nas vésperas do 1-O. É optimista, pon en valor a alianza dos sectores “independentistas” e “autodeterministas” e proclama: “O Estado é derrotábel”.
![[Imaxe: Naciodigital] Referendo, Catalunya, 1-O](/asset/zoomcrop,480,270,center,center/media/nosdiario/images/2017/09/27/2017092719112159839.jpg)
Un informe recolle as medidas represivas que o Estado español activaron para intentar evitar que se realice o referendo.
Habitualmente abouxado nos partidos da selección española do fútebol polas súas conviccións catalanistas, o central do FCB Barcelona chamou na súa conta twitter a "expresarnos pacificamente" e a "non darlles ningunha escusa".
Son as nacións sen Estado as que poden poñer en fóra de xogo o réxime do 78, que nos impediu de facto o autogoberno real e que limita o exercicio das liberdades e dereitos civís. Son as nacións sen Estado as que están á vangarda e as que promoven a ruptura democrática.
