pediatría

Os Colexios Profesionais de Enfermaría da Galiza, así como agrupacións sanitarias, suman forzas para protestar contra a actitude da Xunta. Aseguran sentir gran "malestar" porque non se lles dera voz para analizar o estado deste servizo esencial da sanidade galega e da súa reestruturación.

A falla de pediatras déixase notar en toda a Galiza: o número caeu un 25% nos últimos 15 anos. Segundo os datos achegados polo Instituto Nacional de Estatística (INE), 192 concellos galegos carecen de atención pediátrica, nun proceso de constantes recortes do servizo desde os primeiros anos do século XXI. Ao tempo, a Asociación Española de Pediatría de Atención Primaria destaca un acelerado envellecemento das e dos profesionais, até o punto de que 25% dos pediatras en exercicio no país superan os 60 anos.

A pediatría desmente unha maior incidencia da Covid-19 na cativada a raíz da aparición de novas variantes, unha oportunidade que aproveita tamén para confirmar que o seu papel na cadea de transmisión non é tan importante como se considerou no inicio da pandemia e que tampouco son menos susceptíbeis aos contaxios, senón que se defenden mellor do virus.

 

O grupo parlamentario do Bloque rexistrou varias iniciativas para obter unha explicación sobre este adiamento con “graves consecuencias para as e os pacientes”.

A carencia de pediatras e matronas nos centros de saúde da Galiza comeza a converterse nun problema crónico. Así o ven as familias, que despois de numerosas protestas locais, salteadas por comarcas de todo o territorio, decidiron unir as súas forzas nunha plataforma única para darlle voz ás dificultades de atención que atravesan, sen resposta por parte da Administración. Coincidindo  co Día Mundial da Infancia, lanzan unha campaña en redes sociais. "Non imos permitir que nos arrebaten a Atención Primaria, moito menos agora coa crise sanitaria que estamos a vivir".

No inicio do curso é habitual que a rapazada contraia infeccións respiratorias, cuns síntomas que corresponden aos da Covid-19 recollidos no protocolo da Xunta. O persoal de Pediatría acumula consultas para distinguir a causa da tose e dos mocos do alumnado mentres este agarda na súa casa. E advirte das dificultades de atender unhas axendas cada vez máis avultadas. Todo nun servizo cun déficit crónico de especialistas. 

O Servizo de Atención Primaria asegura, a través dun comunicado, que as e os enfermos non só chegan por mor da Covid-19, senón polo atraso das citas nas especialidades, o illamento e a falta de mobilidade da poboación maior da comarca. Igualmente, recordan que a veciñanza ascende en verán e que están a traballar poñendo en risco tanto a saúde das pacientes como a das e dos profesionais sanitarios.

Menores aos que o Sergas recomenda manter o programa de seguimento infantil viran anuladas as súas citas pola COVID-19.

Non é só Verín. Se o peche da sala de partos deste hospital comarcal situou nunha nova perspectiva social a ausencia de pediatras na Galiza, a súa apertura volveu evidenciar a carencia destas profesionais. Aínda máis, a situación está chamada a empeorar a medio e curto prazo se non hai unha mudanza de fondo nas políticas sanitarias actuais

Desde as veciñas da Costa da Morte denuncian a súa deficiente cobertura pediátrica. A marcha a Verín da profesional que atendía ás crianzas de Cee e Corcubión desatou de novo as protestas. En Fisterra, familias concentráronse na praza do Concello para denunciar a falta de pediatra desde o 19 de xaneiro.

O Concello da Baña convoca unha concentración o 16 de xaneiro para demandar unha mellor cobertura do servizo. As familias teñen que desprazarse até Negreira, Santa Comba ou Compostela nos días festivos, nas fins de semana ou cando a pediatra está de vacacións.

A reapertura da sala de partos de Verín segue no aire ao quedar deserta a convocatoria aberta para cubrir dúas prazas temporais de pediatría. O fracaso deste chamamento volve poñer de manifesto a precariedade dos contratos ofertados polo Sergas.

Nenos e nenas de oito concellos de Ferrolterra reclaman máis pediatras para a súa comarca nun vídeo. Desde setembro, arredor de 3.100 crianzas carecen dunha pediatra ou dun pediatra de referencia ou fixo. Vídeo no interior.

O anuncio do presidente do Goberno, Alberte Núñez Feixoo, da posíbel revisión do peche do paridoiro do hospital de Verín foi recollido con cautela polas forzas políticas e polo comité do centro. Critican que a Xunta ligue a revisión da súa decisión á cobertura de dúas prazas de pediatría, cuxa convocatoria quedou deserta en xuño, e demandan que o Sergas retribúa ás profesionais que traballan fóra das grandes urbes. 

A partir do 1 de decembro o servizo de partos do Hospital de Verín derivarase ao de Ourense. A problemática de fondo, denuncian desde a Comisión delegada do Hospital de Verín, é a falta de pediatras que atenda as mulleres e as urxencias das menores de 14 anos. O feche do paritorio, sinalan, é un paso máis no desmantelamento da sanidade na comarca de Monterrei.

Manuel Martín, médico de Atención Primaria e portavoz da plataforma SOS Sanidade Pública, radiografía nesta entrevista concedida a Sermos Galiza os motivos dos atrasos na expedición de citas médicas, das demoras excesivas nas salas de espera dos centros de saúde ou do estado de saturación que padece o persoal facultativo. Centra a súa crítica no Goberno de Alberto Núñez Feixóo, a quen acusa de recortar orzamentos na sanidade pública e de favorecer a sanidade privada.

A través dunha proposición non de lei presentada na comisión de Sanidade acusan á xerenta do CHUOU --Eloína Núñez, curmá de Feijóo-- de ''manipular'' os dados oficiais para evitar a contratación de persoal facultativo e para xustificar a unificación das áreas sanitarias de Ourense e Vigo. O debate no Parlamento encetará ás 10.30h